اسلام آباد (سٹاف رپورٹر)پاکستان مسلم لیگ (ن) کےایڈیشنل سیکرٹری اطلاعات حلقہ این اے 46 میر احمد خان نے کہا ہے کہ آٹھ فروری کاسورج ن لیگ کی کامیابی کا پیغام لیکر طلوع ہوگا ،پاکستان مسلم لیگ (ن) آئندہ عام انتخابات میں پورے پاکستان سے کامیابی حاصل کرے گی اور میاں محمد نواز شریف چوتھی بار ملک کے وزیراعظم بنیں گے، ن لیگ کے قائد میاں محمد نواز شریف پر ماضی میں جھوٹے اور بے بنیاد مقدمات بنائے گئے جس کی حقیقت وقت گزرنے کےساتھ ساتھ سامنے آ رہی ہے، گذشتہ دنوں آنے والے فیصلہ اس کی واضح مثال ہے،پاکستان مسلم لیگ (ن) عوامی جماعت ہے اور ہمیشہ عوام کی طاقت پر انکے مسائل حل کرنے پر یقین رکھتی ہے،اپنے ایک بیان میں میر احمد خان کا مزید کہنا تھا کہ لیگی ورکرز الیکشن کی بھرپور تیاریاںکر رہے ہیں، عوام نے ہمیشہ ن لیگ پر اعتماد کیا ہے اورپارٹی نے بھی نے عوا م کو باعزت روزگار فراہم کرنے کے ساتھ ملک میں میگا پراجیکٹس مکمل کئےہیں،میر احمد خان نے کہا کہ پاکستان مسلم لیگ (ن) عوام کی مقبول جماعت ہےاور نواز شریف ملک کے سب سے زیادہ مدبر اور بردبار راہنماء ہیں جن پر عالمی راہنماء اعتماد کرتے ہیںاورنواز شریف ہی ملک کو موجودہ مشکل معاشی صورتحال سے نکالنے کی صلاحیت رکھتے ہیں،08 فروری کاسورج ن لیگ کی کامیابی کا پیغام لیکر طلوع ہوگا جو ملک میں امن خوشحالی اور ترقی کی ضمانت ہوگا۔