کراچی(سٹاف رپورٹر) اینٹی نارکوٹکس فورس (اےاین ایف) نے13 کارروائیوں میں125 کلومنشیات برآمد کرلی جبکہ 18 ملزمان گرفتار کرلیے گئے۔

ترجمان اے این ایف کے مطابق یہ کارروائیاں لاہور، ملتان، پشاور، گجرات،چاغی، اسلام آباد، حیدرآباد، درہ آدم خیل، اٹک، جامشورو میں کی گئیں۔

ترجمان کاکہنا ہے کہ کارروائی میں 105کلو 800گرام چرس، 7 کلو افیون ،7 کلو500گرام ہیروئن برآمد کی گئی ،ایک اور کارروائی میں ایک کلو700گرام آئس، ایک کلو مشکوک مواد برآمدکیاگیا۔

ترجمان کے مطابق کارروائی میں350 ہیروئن بھرے کیپسولز برآمدکیے گئے ، گرفتار ملزمان کےخلاف انسدادِمنشیات ایکٹ کےتحت مقدمات درج کرلیے گئے ۔