لاہور:پنجاب حکومت نے4جیلوں میں ملاقاتوں پرعارضی پابندی لگادی۔
نجی ٹی وی کےمطابق اڈیالہ جیل کے بعد پنجاب حکومت نے مزید تین جیلوں میں قیدیوں سے ملاقاتوں پر عارضی پابندی عائد کردی ہے۔ اڈیالہ ،میانوالی،اٹک اورڈیرہ غازی خان کی جیلوں میں قیدیوں سےملاقاتوں پرعارضی پابندی عائدکردی گئی۔چاروں جیلوں کا سیکیورٹی آڈٹ کروانے کا فیصلہ کیاگیاہے۔

رپورٹ کےمطابق جیلوں میں آنے جانے والے عملے اور سرکاری اہل کاروں کی تلاشی اورجیلوں کے ارد گرد مزید آہنی تاریں لگانے کا بھی فیصلہ کیاگیاہے۔پولیس اور رینجرز کے دستوں کی ایکسرسائز شروع کردی گئی ہے۔