کراچی: بابر اعظم کو قائل کرنے کے لیے سلیکٹرز آج کاکول جائیں گے۔
بابر اعظم کو قیادت سنبھالنے پر قائل کرنے کیلیے سلیکٹرز ہفتے کو کاکول جائیں گے، اس کا فیصلہ چیئرمین محسن نقوی کی زیر صدارت میٹنگ میں کیا گیا۔
پی سی بی ابتدائی طور پر چاہتا ہے کہ بابر کو رواں سال ورلڈکپ تک کپتان مقرر کرے، البتہ وہ طویل المدتی تقرری کے حق میں ہیں، سلیکٹرز انھیں بااختیار کپتان بنانے کی یقین دہانی کرائیں گے۔
بابر کو ان کے قریبی ذرائع مشورہ دے رہے ہیں کہ اس وقت بورڈ بیک فٹ پر ہے لہذا مطالبات منوانے کی کوشش کرو، البتہ یہ انداز بیک فائر بھی کر سکتا ہے، اگر بابر نے لچک نہ دکھائی تو دیگر آپشنز پر بھی عمل ہونا خارج از امکان نہیں ہے، بورڈ اتوار کو پریس کانفرنس میں کپتان کا اعلان کر سکتا ہے۔
