گوجرانوالہ (سٹاف رپورٹر)مسلم لیگ ن کے رہنما حنیف عباسی نے کہاہے کہ 8فروری کو ہونے والا الیکشن پاکستان میں ایک نئی تاریخ رقم کرے گا 8فروری 2024کو پاکستان میں ایک نیا سورج طلوع ہوگا وہ سورج پاکستان مسلم لیگ ن کی فتح کا سورج ہوگا۔ان خیالات کا اظہارانھوں نے گوجرانوالہ میں پریس کانفرنس کرتے ہوئے کیا انھوںنے کہاکہ میاں نوازشریف کی آمد کے بعد لوگوں میں امید کی کرن پیدا ہوئی ہے ۔میاں نوازشریف کے اقتدار میں آنے کے بعدپھر سے اربوں روپے کی انوسٹمنٹ پاکستان میں آئیگی کیونکہ آج ملک جس دلدل میں ہے اس سے میاں نوازشریف ہی نکال سکتا ہے انھوں نے کہاکہ ہم بے روزگاری کا خاتمہ کریں گے 2013کے اقتدار نے ہمیں کئی کلو میٹر موٹروے اور کئی نئے ہسپتال دیے لیکن جمہوری حکومت کو ڈی ریل کرکے ایک ایسے شخص کو اقتدار دیا گیا جس کو یوسی کا بھی تجربہ نہیں تھاحنیف عباسی کا کہنا تھاکہ مخلوط حکومت کے درمیان آپ ڈلیور نہیں کر سکتے ہم نے ملک کے لیے 16ماہ بلیک میلنگ برداشت کی ۔اگر میاں شہباز شریف اس وقت اقتدار لیتے تو پوری دنیا میں ہماری جگ ہسائی ہوتی ان کا کہنا تھاکہ پاکستان میں سیاسی طور پر ایک ہی شیر موجود ہےنوازشریف کو اکثریت دینا اس ملک کے لیے بہتر ہےحنیف عباسی کا کہنا تھاکہ ایون فیلڈ جیسے وہ کیس ہیں جن کا نہ کوئی سرہے ناپاؤں جھوٹے مقدمات سے بری بھی انسان اتنی جلدی ہوتا ہے جتنی جلدی وہ بنائے جاتے ہیں۔

مزید پڑھیں: بلوچستان پاکستان کا دل ، اس دل کو جیتنا بہت ضروری ہے، آصف زرداری