آسٹریلوی شہر سڈنی کے شاپنگ سینٹر میں گزشتہ روز چاقو بردار شخص کے حملے میں شدید زخمی ہونے والا پاکستانی سکیورٹی گارڈ فراز احمد طاہر دم توڑ گیا۔ پولیس کے مطابق حملے میں مجموعی طور پر 7 افراد جان سے گئے جب کہ درجنوں زخمی ہوئے۔

آسٹریلوی پولیس نے ایک پریس کانفرنس میں بتایا کہ 13 تاریخ کو سڈنی کے ایک شاپنگ مال میں ہونے والے حملے کے نتیجے میں حملہ آور سمیت 7 افراد ہلاک ہوئے اور 12 افراد اب بھی ہسپتال میں زیر علاج ہیں۔
حملہ آور کوئینز لینڈ سے تعلق رکھنے والا 40 سالہ شخص ہے جسے دماغی صحت کے مسائل ہیں۔ پولیس کا کہنا ہے کہ مزکورہ شاپنگ مال 14 تاریخ کو بند رہے گا اور پولیس مزید تفتیش کر رہی ہے۔