لاہور(سٹاف رپورٹر)اے این ایف کا منشیات اسمگلنگ کے خلاف کاروائیوں کا سلسلہ جاری ہے۔

11 کاروائیوں کے دوران 90 کلو منشیات برآمد، 8 ملزمان گرفتارکرلیے گئے۔

ترجمان اے این ایف نے بتایاکہ لاہور ایئرپورٹ پر قطر جانے والے مسافر سے 5.3 کلو آئس برآمد کی گئی۔

اسلام آباد ایئرپورٹ پر شارجہ جانے والے مسافر سے 22 ہیروئن بھرے کیپسولز برآمدکی گئی۔

بحریہ ٹاؤن راولپنڈی میں کوریئر آفس میں برطانیہ بھیجے جانے والے پارسل سے 630 گرام ہیروئن برآمدہوئی۔

ترجمان کے مطابق لاہور میں کوریئر آفس میں برطانیہ بھیجے جانے والے پارسل سے 32 گرام ہیروئن برآمدکی گئی۔

راولپنڈی میں کوریئر آفس میں دوسری کاروائی میں برطانیہ سے بھیجے گئے پارسل سے 8 گرام ویڈ برآمدکی گئی۔

ڈیرہ اسماعیل خان سے 22.8 کلو چرس برآمدکی گئی۔

اسلام آباد میں دو کاروائیوں میں 4 ملزمان سے 34.8 کلو چرس اور 4 کلو ہیروئن برآمدکی گئی۔

رنگ رود پشاور میں کوریئر آفس میں لاہور، شکر گڑھ اور پنو عاقل بھیجے جانے والے پارسل سے 14.4 کلو چرس، 2.4 کلو افیون اور 800 گرام آئس برآمدجبکہ ملزم گرفتارکرلیاگیا

سکھر میں کوریئر آفس میں لکی مروت بھیجے جانے والے پارسل سے 5 کلو چرس برآمداورملزم کو دھر لیاگیا ۔

گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔