سوات( سٹاف رپورٹر) وفاقی وزیر برائے سیفران اور امور کشمیر و گلگت بلتستان انجینئرامیرمقام نے مٹہ بار کونسل ایسوسی ایشن اور شانگلہ ڈسٹرکٹ بار کونسل کے مختلف تقاریبِ حلف برداری سے خطاب کرتے ہوئے کہا ہےکہ وکلاء کو قانون اور آئین کی بالادستی کے لیے کام کر لینا چاہیے نہ کہ فرد واحد کے نرغے میں آکر،ہماری حکومت عدلیہ کی آزادی پر بھرپور یقین رکھتی ہے۔ انہوں نے کہا کہ خیبر پختونخوا حکومت کو عوام نےجو مینڈیٹ دیا ہے اسی کا احترام کرنا چاہیے اور صوبے کے عوام کے مسائل ترجیح ہونی چاہیے نہ کہ فرد واحد کے ذاتی مفاد کے لیے کام کر لینا چاہیئے۔ وزیراعلیٰ خیبر پختونخوا اسلام آباد پر چڑھائی کی بجائے خیبر پختونخوا کی عوام کی بہتری کے لیے کام کرے۔ انہوں نے مزید کہا کہ مرکزی حکومت مضبوط ہے اور پانچ سال انشاءاللہ پورا کر کے پاکستان کی مسائل پر قابو پا کر رہیں گے۔ پہلی دفعہ ادارے اور حکومت کی تعاون ایک دوسرے کے ساتھ صرف پاکستان کے مسائل کے حل کے لیے ہیں اور وزیراعظم شہباز شریف کی دن رات محنت رنگ لارہی ہے۔ وفاقی وزیر نے کہا کہ آرمی چیف جنرل عاصم منیر کی پہلی دفعہ پاکستان میں پوری دنیا سے سرمایہ کاری کرنے میں کردار کو پوری قوم قدر کی نگاہ سے دیکھتی ہیں۔ انہوں نے کہا کہ میں نے ہمیشہ پوری قوم کی مینڈیٹ کا بغیر بھی بلاامتیاز خدمت کی ہے اور ہر مشکل میں قوم کے ساتھ کھڑا رہا خواہ سیلاب، زلزلے یا دہشتگردی ہو۔شانگلہ ایکسپریس وے سمیت ورلڈ بینک سے منظور شدہ و دیگر منصوبوں پر بہت جلد کام کا آغاز کرینگے ۔وفاقی وزیر کا کہنا تھا کہ وفاقی حکومت کی کوششیں جاری ہیں مہنگائی میں مزید کمی آئےگی ۔انکا کہنا تھا کہ انشآءاللّٰہ معیشت بھی جلد مستحکم ہوجائے گی اور ملک ترقی کے راہ پر گامزن ہوگا۔تقاریب سے خطاب کے دوران وفاقی وزیر انجینئرامیر مقام نے شانگلہ اور مٹہ بارز کے لیے 20، 20 لاکھ روپے کا سپیشل گرانٹ دینے کا اعلان کیا۔