گوجرانوالہ(سٹاف رپورٹر)جماعت رضائے مصطفی پاکستان اور جماعت اہلسنت کے زیر اہتمام جامعہ قادریہ ملحقہ انوارالمساجد میں اس سال حج مبارک کی سعادت حاصل کرنے والے حجاج کرام کی بہتر رہنمائی کیلئے حج و زیارت تربیتی نشست کا اہتمام کیاگیا ۔تربیتی نشست کی صدارت علامہ صاحبزادہ پیر محمد داد رضوی امیر جماعت رضائے مصطفی پاکستان نے کی نشست کی نظامت ونقابت کے فرائض ناظم جماعت مولانا حافظ محمد رفیق قادری اور صاحبزادہ حافظ محمد ابوبکر نے سر انجام دیئے۔تربیتی نشست سے صاحبزادہ پیر محمد داد رضوی ، علامہ خالد حسن مجددی، علامہ ڈاکٹر محمد ابوبکر صدیق الازہری اور مولانا صاحبزادہ محمد غوث رضا نے اپنے خطاب میں کہا کہ فریضہ حج پر جانے ولے تمام افراد مبارکباد کے مستحق ہیں اللہ تعالی آپ کو اپنے گھر کی زیارت نصیب فرما رہا ہے ۔ فرائض حج کی ادائیگی کے حوالے سے شرکاء کو آگاہ کیا ۔ اور حج تربیتی پروگرام سے خطاب کرتے ہوئے کہا کہ حج کے موقع پر انسان اپنا سرمایہ خرچ کرکے گھر کاروبار چھوڑ کر حجاز مقدس کا رخ کرتا ہے کہ وہ بیت اللہ اور روضہ رسول (ص) پر حاضری دے، تو اس دوران اپنی تمام توجہ اور سرگرمیوں کا مرکز اللہ تعالی کی ذات مقدسہ، قرآن مجید اور سیرت محمد و آل محمد کی طرف رکھے۔ ۔ تمام حجاج کرام تربیتی کورس میں دلچسپی لے کر سیکھنے کی کوشش کریں تاکہ مناسک حج کی ادائیگی احسن طریقے سے مکمل کرسکیں۔اس موقع پر اظہارخیال کرتے ہوئے مفتی پیر محمد دائود رضوی نے کہا کہ حج کی سعادت نصیب ہونا باعث صد افتخار ہے حاجی اللہ کے مہمان ہوتے ہیں اللہ تعالی سے ملک کی استحکام کیلئے خصوصی دعا کریں اور انتظامی امور پر تعینات عملہ سے بھرپور تعاون کریں اور ان کی دی ہوئی ہدایات پر من و عن عملدرآمد یقینی بنائیں تاکہ مسائل اور مشکلات سے بچ سکیں۔ پروگرام کے منتظمم جماعت اہلسنت پاکستان کے ضلعی ناظم اعلیٰ حافظ محمد رفیق قادری اور صاحبزادہ حافظ ابوبکر رفیق تھے۔ تربیتی نشست میں چوہدری محمد مدثر بٹر ، انجمن طلبا اسلام کے راہنما محمد فاروق چیمہ، صاحبزادہ ڈاکٹر حافظ محمد احمد نورانی، مولانا محمد عبدالحمید رضوی، رانا حاجی محمد زاہد اقبال، مولانا حافظ محمد اویس سرور قادری ، مولانا قاری محمد رہبت رمضان کشفی ملک محمد الطاف ایڈووکیٹ ، محمد شفیق، حافظ اللہ جوایا قادری، حافظ محمد نعمان احسان قادری کے علاوہ مختلف محلوں سے کثیر تعداد میں عازمین شامل ہوئے۔۔ اس موقع پر الحاج مفتی پیر محمد دائود رضوی کی طرف سے حجاج کرام کو حج کے حوالے سے معلوماتی کتب بھی پیش کی گئیں ۔ آخر میں علامہ صاحبزادہ پیر محمد داد رضوی نے حج پہ جانے والوں، فلسطین اور وطن عزیز کی سالمیت و بقا کے لئے خصوصی دعا کی۔