اسلام آباد(سٹاف رپورٹر)اسلام آباد میں شعبہ تعلیم کے لیے اہم پیش رفت ،ممبر قومی اسمبلی انجم عقیل خان اور ایم این اے ڈاکٹر طارق فضل چوہدری کی وفاقی وزیر تعلیم خالد مقبول صدیقی اور سیکرٹری ایجوکیشن محی الدین وانی سے اہم میٹنگ ہوئی۔

ایم این اے انجم عقیل خان اور ڈاکٹر طارق فضل چوہدری کی تعلیم کے حوالے سے اہم سفارشات پر اہم پیش رفت ہوئی ہے

170 اساتذہ کی تنخواہوں اور ریگولرائزیشن کا مسئلہ تقریباً حل ہو گیا کورٹ سے فیصلہ آتے ہیں تنخواہیں جاری کر دیں گے

اسلام آباد ماڈل سکول اینڈ کالجز کی بسوں کے مسائل ، ڈرائیورز ، کنڈکٹر کی ہائیرنگ اور 50 بسوں میں مزید اضافہ کیا جا رہا ہے

گوگل ( Google) اور وفاقی حکومت کے تعاون سے بنائے جانے والے 50 سکولوں میں سے 15 سمارٹ سکول حلقہ این اے 46 میں بنائے جائیں گے

اسلام آباد میں ایک ماہ کے اندر ٹیچنگ اسٹاف کی بھرتیوں کے بعد سکولوں میں اسٹاف کی کمی کو پورا کیا جا سکے گا

فیڈرل ایجوکیشن اور NAVTTC کے تعاون سے سکلز پروگرام کے لیے حلقہ میں سکول، کالجز اور یونیورسٹیز میں Evening میں سکلز پروگرام جاری کیا جائے گا

حلقہ این اے 46 اسلام آباد میں 2 آئی ٹی پارکس بنائے جا رہے ہیں ایک سیکٹر G-10 اور دوسرا سیکٹر F-10 میں بنایا جا رہا ہے

طالبات کے لیے اسلام آباد میں پنک بسیں چلائی جائیں گی

انجم عقیل نے کہاکہ الیکشن میں کیے گئے تمام وعدے پورے کریں گے اپنے لوگوں کو تعلیم کی سہولیات ان کی دہلیز پر دیں گے

انہوں نے کہاکہ حلقہ گزشتہ 10 سال سے محرومیوں کا شکار ہے انشاء اللہ پانچ سال کے بعد کسی محرومی اور کمی کا احساس نہیں ہونے دوں گا۔

میٹنگ میں ملک اشرف صاحب اور چوہدری رفعت جاوید بھی ہمراہ موجود تھے۔