اسلام آباد(سٹاف رپورٹر)پاکستان پیپلز پارٹی کی مرکزی ڈپٹی سیکرٹری اطلاعات و سابق وفاقی وزیر عاصمہ ارباب عالمگیر نے کہا ہے کہ کوئی محب وطن شہری شہداء کی یادگاروں پر حملےنہیں کر سکتا، نو مئی ملکی تاریخ کا سیاہ دن ہےاور اس روز ہونے والےواقعات ملک میں انتشار پھیلانے کی سازش تھی،کسی بھی سیاسی جماعت کوپاکستان کی ریڈ لائن کراس کرنے کی اجازت نہیں دی جا سکتی، یہ برداشت نہیں کر سکتے کہ کوئی دہشتگرد ٹولہ حکومت میں آئے، نو مئی کے واقعات میں ملوث تمام لوگوں کو جیل میںہونا چاہیئے،پوری پاکستانی قوم اپنی مسلح افواج کے شانہ بشانہ کھڑی ہے،عدلیہ سے درخواست ہے کہ ان واقعات میں ملوث افراد کو نشان عبرت بنایا جائے تاکہ آئندہ کسی کو بھی دوبارہ اس طرح کی جرآت نہ ہو سکے،انہوں نے ان خیالات کا اظہار نیشنل پریس کلب اسلام آباد میںپریس کانفرنس کرتے ہوئے کیا،عاصمہ ارباب عالمگیرکا مزید کہنا تھا کہ نو مئی کے واقعات یہودی ایجنٹ کی طرف سے عوام اور فوج کوآپس میں لڑانے کی سازش تھی،09 مئی کو ہونے والے واقعات کی بھرپور الفاظ میں مذمت کرتے ہیں،اپنے مذموم مقاصد کیلئے ہمارے نوجوانوں کےذہین سازی کی گئی،ریاست مدینہ کا نام لیکر ہماری ریڈ لائن پاکستان کو کراس کرنے کی کوشش کی گئی، ایک سال ہوگیا ہے ابھی تک نو مئی کے ملزمان کو سزا نہیں دی جا سکی،عدلیہ کو اپنا کردار ادا کرتے ہوئے اس فتنے کو انجام تک پہنچانا چاہیئے، پیپلز پارٹی جمہوری رویوں پر یقین رکھتے ہے، پیپلز پارٹی کے بانی چیئرمین ذوالفقار علی بھٹو کے عدالتی قتل کے باوجود پیپلز پارٹی کے کارکنوں نے خود کو آگ لگالی جبکہ شہید بینظیر کے شہادت پر بھی ملک میں انتشار پھیلانے اور اہم تنصیبات پر حملے کرنےکے بجائے صدر آصف علی زرداری نے پاکستان کھپے کا نعرہ لگایا،9 مئی کو ہونے والے واقعات ہم نے پہلے کھبی نہیں دیکھے، پاکستان کی عوام نے بہت مشکلات اٹھائی ہے،ایک مفاد پرست سیاستدان نےاپنی کرسی سے ہٹ جانے پر عوام کو ورغلایا اور فوجی تنصیبات پر حملہ کیا ،کے پی کے میں ہم نے دہشتگردوں کے حملے دیکھے لیکن کھبی کسی نے کور کمانڈر ہاوس یا جی ایچ کیو پر حملہ نہیں کیا، 09 مئی غداری کا سب سے بڑا کیس تھا لیکن اس پارٹی کو پھر بھی الیکشن لڑنے دیا گیا، 09 مئی میں ملوث کسی پارٹی کے کارکنان نہیں تھےا نکو کہا ںسے بلایا گیااس حوالے سے تحقیات کی ضرورت ہے، پاکستان کی سالمیت کو برباد کرنے کیلئے ایک ٹولے کو تیار کیا گیا،یہ پاکستان میں ایسا ماحول پیدا کرنے چاہتے تھےکہ ملکی سالمیت خطرے میں پڑ جائے،انہوں نے آئی ایم ایف کو ایک خط لکھا کہ انکو فنڈز نہ ڈو تاکہ پاکستان تباہ ہوجائے،پاکستان کی عدلیہ سے مطالبہ ہے کہ اس کیس کو ٹیک اپ کیا جائےاور نو مئی کے واقعات میں ملوث تمام ملزمان کو عبرتناک سزائیں دی جائیں تاکہ آئندہ کسی کو بھی اس طرح کی دوبارہ جرآت نہ ہو سکے۔