اسلا م آباد(کرائم ڈیسک) ترجمان ایف آئی نے کہاہے کہ 9 سال سے قتل کے مقدمے میں مطلوب اشتہاری ملزم کوسعودی عرب سے گرفتارکرلیاگیاہے. تفصیلا ت کے مطابق ایف آئی اے نے کارروائی انٹرپول کرتے ہوئے سنگین جرائم میں 9 سال سے مطلوب اشتہاری کو ملزم گرفتار کرلیا گیا . اشتہاری ملزم پنجاب پولیس کو قتل کے مقدمے میں مطلوب تھا.ملزم محمد اشرف کو سعودی عرب سے گرفتار کر کے اسلام آباد ائرپورٹ منتقل کر دیا گیا.ملزم سال 2015 میں قتل کر کے بیرون ملک فرار ہو گیا تھا.ملزم کے خلاف تھانہ سامہ ستہ بہاولپور میں قتل کی دفعات کے تحت مقدمہ درج تھا۔ ایف آئی اے NCB انٹرپول پاکستان نے ملزم کی گرفتاری کے لئے ریڈ نوٹس جاری کیا تھا بعد ازاں ملزم کو اسلام آباد ائرپورٹ پر متعلقہ پولیس حکام کے حوالے کر دیا گیا۔ملزم کی حوالگی انٹرپول اسلام آباد کی انٹرپول ریاض کے ساتھ قریبی رابطہ کاری کی وجہ سے ممکن ہوئی۔این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے.انتھائی مطلوب ملزمان کی گرفتاری اور بروقت حوالگی کے لئے این سی بی انٹرپول پاکستان ہمہ وقت کوشاں ہے۔