راولپنڈی(کرائم ڈیسک)اینٹی نارکوٹکس فورس نےمنشیات سمگلنگ کے خلاف 10 کارروائیوں کے دوران 384 کلوگرام منشیات برآمدکرکے 10 ملزمان گرفتارکرلیے۔اے این ایف ہیڈکوارٹر راولپنڈی سے جاری بیان میں کہا گیا ہے کہ اے این ایف نے گزشتہ 24 گھنٹوں میں کی گئی کارروائیوں میں کراچی ایئرپورٹ پر دو مختلف کارروائیوں میں دوحہ اور بحرین جانے والے دو مسافروں سے 280 گرام آئس اور 466 گرام چرس برآمدکی ۔کراچی میں کنٹینر سے 280 کلوگرام آئس برآمد کر کے 2 ملزمان گرفتارکیے گئے ۔

کراچی میں سلطان آباد کے قریب ملزم سے 36 کلوگرام چرس برآمدکی گئی ۔ایم ون اسلام آباد کے قریب دو مختلف کارروائیوں میں دو ملزمان سے 37 کلوگرام چرس اور 700 گرام آئس برآمدکی گئی ۔آر سی ڈی روڈ حب کے قریب سے 10.8 کلوگرام چرس برآمدکی گئی۔ ہری پور میں ملزم سے 9.6 کلو گرام چرس برآمدکی گئی۔ سائوتھ ایگریکلچر سینٹر پنجاب میں ملزم سے 6 کلوگرام چرس برآمدکی گئی ۔کشمیر روڈ فیصل آباد کے قریب ملزم سے 3.6 کلوگرام چرس برآمدکی گئی ۔ترجمان نے بتایا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔