اسلام آباد(محمد حسین )صدر پی ٹی ایف اعصام الحق قریشی نے چیئرمین ایئر سیال فضل جیلانی سے سیالکوٹ میں میٹنگ کی جس میں پی ٹی ایف اور ایئر سیال کے درمیان ٹینس کے فروغ کے لیے باہمی تعاون پر تبادلہ خیال کیا گیا۔
مسٹر جیلانی نے جناب اعصام الحق کا پرتپاک خیرمقدم کرتے ہوئے ملک بھر میں ٹینس کو فروغ دینے کے لیے ایک (ایم او یو) پر دستخط کرنے پر اتفاق کیا۔ اس بات میں بھی دلچسپی ظاہر کی کہ ایئر سیال اور پی ٹی ایف مستقبل میں آفیشل پارٹنرز کے طور پر کام کرنے پر غور کر رہے ہیں؛ انشاء اللہ دونوں ادارے مل کر پاکستان میں اس کھیل کو نئی بلندیوں تک پہنچائیں گے۔صدر پی ٹی ایف نے مسٹر جیلانی کی فراخدلی سے دعوت پر ان کا شکریہ ادا کیا۔ انہوں نے فیڈریشن کے ساتھ ملکر ٹینس کو آگے بڑھانے اور پاکستان میں ابھرتے ہوئے ٹیلنٹ کو پروان چڑھانے کے لیے ایئر سیال کے ساتھ تندہی سے کام کرنے کے ارادے پر زور دیا۔اجلاس میں جناب خواجہ خاور SVP-PTF (مارکیٹنگ) اور جناب زین الحق قریشی نے بھی شرکت کی