قومی ٹیم نے اچھی کارکردگی سے قوم کا سر فخر سے بلند کردیا ، آرمی چیف
اسلام باد(محمد حسین )آرمی چیف جنرل سید عاصم منیر نے قومی ہاکی ٹیم کی شاندار کارکردگی کو سراہتے ہوئے کہا کہ ہاکی ٹیم نے اپنی شاندار کارکردگی سے قوم کا سر فخر سے بلند کیا ہے،،آئی ایس پی آر کے مطابق آرمی چیف جنرل سید عاصم منیر سے جنرل ہیڈ کوارٹرز راولپنڈی میں پاکستان ہاکی ٹیم کے کھلاڑیوں نے ملاقات کی، پاکستان ہاکی فیڈریشن (پی ایچ ایف) کے صدر طارق حسین اور پی ایچ ایف کے دیگر عہدیداران بھی موجود تھے، آرمی چیف جنرل سید عاصم منیر نے قومی ہاکی ٹیم کی شاندار کارکردگی کو سراہتے ہوئے کہا کہ ہاکی ٹیم نے اپنی شاندار کارکردگی سے قوم کا سر فخر سے بلند کیا ہے، اور مستقبل میں مسلسل کامیابی یقینی بنانے کے لئے ہر ممکن تعاون فراہم کیاجائے گا، انہوں نےکھلاڑیوں کے مستقبل کے لئے نیک خواہشات کا اظہار کیا، پی ایچ ایف کے صدر نے ٹیم سے ملاقات اور بات چیت کے موقع پر آرمی چیف جنرل سید عاصم منیر سے اظہار تشکر کیا.
