اسلام آباد(سٹا ف رپورٹر)سو سے زائد ایف ایم ٹی آئی نرسز کے معاہدہ ملازمت میں مزید توسیع کا معاملہ تاحال التواء کا شکار ہے ،اسٹبلشمنٹ ڈویژن اور وزرات صحت کو لیٹر لکھ کر جواب مانگ لیا ،وزرات صحت نے لیٹر پمز انتظامیہ کو بھیج کر ایف ایم ٹی آئی ملازمین کے موجودہ اسٹیٹس اور بجٹ کے متعلق سوالات کے جواب مانگ لئے،پمز انتظامیہ اور نرسنگ میں کھلبلی مچ گئی ، پمز انتظامیہ اور نرسنگ سیل یکم مئی مزدور ڈے پر سو سے زائد نرسز کو ایک دن کے زبانی نوٹس پر نوکریوں سے نکال چکے ہیں، ایف ایم ٹی آئی نرسز کو نکالے جانے کا ابھی تک کوئی نوٹیفکیشن جاری نہیں کیا گیا ہے ، پمز انتظامیہ اور نرسنگ سیل نے ہم ایف ایم ٹی آئی نرسز جن کی تعداد سو سے زائد ہے ،ایف ایم ٹی آئی نرسز نے وزیراعظم پاکستان میاں محمد شہباز شریف سے واقعہ کا نوٹس لیکر انصاف فراہم کرنے کی اپیل کرتے ہوئے کہا ہے کہ ہمارے ساتھ ظلم اور زیادتی کی گئی اور ہمیں ایک دن کے نوٹس پر نوکریوں سے نکالا گیا جس کا تاحال کوئی نوٹیفکیشن جاری نہیں کیا گیا ہے جبکہ ہماری توسیع کا معاملہ تاحال التواءکا شکار ہے پھر بنا نوٹیفکیشن کے پمز انتظامیہ ہمیں نکال دیا ہے یہ کہاں کا انصاف ہے ہم مسلسل احتجاج کررہے ہیں مگر کوئی سننے اور داد رسی کو تیار نہیں ہے۔