کراچی (نمائندہ خصوصی)پاکستان کوسٹ گارڈز نے اپنی انٹیلیجنس ذرائع کی بنیاد پراوتھل(بلوچستان)کے علاقے ناکہ کھاری روڈ چیک پر معمول کی چیکنگ کے دوران کوئٹہ سے کراچی آنے والی المسلم کوچ سے 9 کلو چرس برآمد کرلی گئی۔ اسی طرح کی ایک اور چیکنگ کے دوران المحمود کمپنی کی کوئٹہ سے کراچی آنے والی مسافر کوچ سے 4700 کلوگرام مکس چھالیہ برآمد ہوئی۔ایک اور معمول کی چیکنگ کے دوران جیونی کوسٹل ہائی وے روڈ چیک پر ایک سنگل کیبن گاڑی سے سگریٹ کے 680 ڈنڈے اور گٹکا کے 45 تھیلے برآمد ہوۓ پاکستان کوسٹ گارڈز نے برآمدشدہ چرس،چھالیہ،سگریٹ اور گٹکا قبضے میں لے کر قانونی کارروائی شروع کردی ہے یاد رہے کہ ماضی میں بھی المحمود ٹرانسپورٹ کمپنی کی مسافر کوچز اسمگلنگ میں ملوث رہی ہیں واضح رہے کہ پاکستان کوسٹ گارڈز ہر قسم کی اسمگلنگ کی روک تھام کے لیے ہمہ وقت مصروف عمل ہے اور ملکی معیشت کو مستحکم کرنے میں اپنا کردار ادا کرتی رہے گی۔