گوجرانوالہ۔( بیورو رپورٹ)پری مون سون انتظامات کاجائزہ لینے کیلئے ایک اہم اجلاس سیکرٹری HUD&PHED) ( کی زیر صدارت منعقد ہوا ۔ اجلاس محکمہ واسا گوجرانوالہ کے ایم ڈی کاشان حفیظ بٹ کا آن لائن ویڈیو لنک کے ذریعے جوائن کیا ۔ایم ڈی واسا نے گوجرانوالہ میں مون سون کے حوالہ سے کئے جانے والے انتظامات کے حوالہ سے تفصیلی بریفنگ پیش کی ۔ سیکرٹری HUD&PHED) ( نے کہا ہے کہ مستقبل میں سیلابی صورتحال سے نمٹنے کے لیے بہتر منصوبہ بندی اور ہم آہنگی کی ضرورت ہے۔انہوں نے انتظامیہ کو ہدایت کی ہے کہ وہ اپنے اپنے علاقوں میں نالوں اور گٹروں کی صفائی ستھرائی کے عمل کو تیزی کے ساتھ مکمل کریں۔آن لائن ویڈیو لنک کے موقع پر ڈائریکٹر ایڈمن اینڈ فنانس مقصود انجم و دیگر افسران بھی موجود تھے۔