اسلام آباد (سعید احمد)ڈائریکٹر جنرل نیشنل پولیس بیورو ڈاکٹر احسان صادق نے اسلام آباد پولیس کے اسسٹنٹ سب انسپکٹر اور پی ایچ ڈی ریسرچ اسکالر (اقبالیات) محمد شکیل بھنڈر کو اپنے دفتر میں مدعو کیا۔ ڈاکٹر احسان صادق نے کیپٹل پولیس کالج میں بطور لاء انسٹرکٹر ان کی خدمات اور اعلیٰ تعلیم کے حصول پر شاباش دی۔اس موقع پر، ہونہار پولیس آفیسر محمد شکیل بھنڈر نے ڈاکٹر احسان صادق کی خدمت میں اپنی تصنیف “علامہ اقبال اور لالہ لاجپت رائے کے سیاسی افکار” کا تحفہ پیش کیا۔ یہ کتاب جنوبی ایشیا میں اس موضوع پر لکھی گئی پہلی کتاب ہے۔ ڈی جی نیشنل پولیس بیورو نے محمد شکیل بھنڈر کی شاندار کارکردگی کو سراہتے ہوئے انہیں سرٹیفکیٹ سے نوازا۔ انہوں نے کہا کہ یہ تقریب اس بات کا ثبوت ہے کہ محمد شکیل بھنڈر جیسے وقف شدہ پولیس افسران، جو تعلیمی اور پیشہ ورانہ میدانوں میں شاندار کارکردگی دکھا رہے ہیں، آنے والی نسلوں کے لیے ایک مثال قائم کر رہے ہیں۔