ملائیشیا …پروفیسر احسن اقبال کو ایشیائی پروڈکٹیوٹی تنظیم کی جانب سے پالیسی، اسٹریٹجک سوچ، قیادت اور انتظام کے ذریعے سماجی و اقتصادی ترقی کی کوششوں میں شاندار شراکت پر آج کوالہ لمپور میں ایوارڈ ملا ہے.انہیں بحیثیت وفاقی وزیر ان کی تمام مدتوں کے دوران حاصل کی گئی کامیابیوں پر نوازا گیا۔ احسن اقبال 2018-2013 اور 2023-2022 میں پاکستان کے وزیر برائے منصوبہ بندی رہے.اور بطور وزیر داخلہ 2018-2017 بھی خدمات سر انجام دیتے رہے۔ احسن اقبال نے بین الاقوامی نیٹ ورکس کے ذریعے پاکستان میں پیداواری صلاحیت کو بڑھانے کے لیے جدید آئیڈیاز کو نافذ کیا۔ احسن اقبال نے ترقی یافتہ پالیسیاں اور ضوابط بنائے جن کا پاکستان کے پیداواری ایجنڈے اور مجموعی ترقی میں خاطر خواہ شراکت ہے۔ملائیشیا کے شہر کوالالمپور میں ایشیائی پروڈکٹیوٹی آرگنائزیشن کی گورننگ باڈی کا 66 واں اجلاس آج ہوا۔اس تنظیم میں پاکستان سمیت دنیا کے 21 ممالک شامل ہیں۔یہ ایوارڈ ان افراد کو دیا جاتا ہے جنہوں نے اپنے کام، متاثر کن خیالات اور اثر و رسوخ کے ذریعے قومی یا علاقائی سماجی و اقتصادی ترقی کی طرف لے جانے والی پیداواری صلاحیت میں بہتری کے لیے مثالی کردار ادا کیا ہے۔ایشیائی پروڈکٹیوٹی تنظیم کا قیام 1961 میں باہمی تعاون کے ذریعے ایشیا پیسفک خطے میں پیداواری صلاحیت بڑھانے کے لیے کیا گیا تھا۔ یہ تنظیم اے پی او مختلف شعبوں جیسے صنعت، زراعت، سروس اور پبلک سیکٹرز میں پالیسی ایڈوائزری سروسز کے ذریعے خطے کی پائیدار سماجی و اقتصادی ترقی میں کوشاں ہے۔وفاقی وزیر احسن اقبال نے یہ ایوارڈ آج ملائیشیا کے شہر کوالالمپور میں وصول کیا ۔