گوجرانوالہ( بیورو رپورٹ)مرکزی صدر وومن ونگ کنول شوذب کی کال پر صدر وومن ونگ سنٹرل پنجاب شہناز خان اور جنرل سیکرٹری ڈاکٹر مصباح ظفر کی ہدایت پر بشری بی بی عدت کیس کی سماعت کے موقع پرگوجرانوالہ سے پاکستان تحریک انصاف کی راہنما سابق ایم پی اے نیئر مرتضیٰ لون اور ویسٹ ریجن سے عہدیداران خواتین بانی پی ٹی آئی عمران خان اور بشریٰ بی بی سے اظہار یکجہتی کے لئے اسلام آباد ہائی کورٹ پہنچیں۔اس موقع پر وومن ونگ سنٹرل پنجاب کی ممبران ایڈیشنل جنرل سیکرٹری ، سنٹرل پنجاب غزالہ زمان،ڈپٹی جنرل سیکریٹری, سنٹرل پنجاب غزالہ رفیق ، جنرل سیکرٹری ، ضلع گجرات رومانہ چوہدری،صدر، تحصیل کھاریاں روبینہ کوثر،عظمی بتول گجرات،صدر وومن ونگ ، ضلع گوجرانوالہ نیئر مرتضیٰ لون۔ انور سلطانہ ایڈیشنل جنرل سیکرٹری ضلع گوجرانوالہ۔(جوائنٹ سیکریٹری عنصر فائز ، سیکرٹری اطلاعات ،شبانہ نواز،تنزیلہ منیر،صدر، ضلع شیخو پورہجمیلہ یونس،صدر، ضلع قصورروبینہ انصاری،شیریں وڑائچ ،زاہدہ لطیف بھی موجود تھیں۔اس موقع پر ہائی کورٹ کے باہر نیئر مرتضیٰ لون نے پی ٹی آئی کی کارکنان سے اظہار خیال کرتے ہوئے کہا کہ عدت کیس انسانی تاریخ کا سب سے بھونڈا، بیہودہ اور ایک گھٹیا مقدمہ ہے جس کے ذریعے انصاف کے پورے نظام اور فلسفے کی دھجیاں اڑائی جا رہی ہیں۔ سلطنت شریفیہ زرداریہ کا یہ وطیرہ ہے کہ سب کی پگڑیاں اچھالنی ہیںبشری بی بی عدت کیس ایک خاتون کا معاملہ نہیں پورے ملک کی خواتین کی عفت کا معاملہ ہے۔اس سارے بیہودہ تماشے کا مقصد عمران خان اور ان کی وفاشعار اہلیہ کو ناحق قید میں رکھنا اور انصاف کے بنیادی حق سے محروم کرنا ہے جس کی شدید ترین الفاظ میں مذمت کرتے ہیں۔