ایڈیشنل انسپیکٹر جنرل نارتھ ریجن، یاسین فاروق نے کہا کہ خوش اخلاقی ایمانداری اور بروقت مدد موٹروے پولیس کی پہچان ہے جسے مزید بہتر بنایا جائے گا. یاسین فاروق نے ایڈیشنل انسپیکٹر جنرل نارتھ ریجن کا چارج سنبھال لیا ۔ چارج سنبھالنے کے بعد ایڈیشنل انسپیکٹر جنرل یاسین فاروق کا موٹروے نارتھ زون کا دورہ ۔ دورے کے دوران ایڈیشنل انسپیکٹر جنرل نے اجلاس کی صدارت کی ۔ اجلاس میں زونل کمانڈر سیکٹر کمانڈر ز اور بیٹ کمانڈرز نے شرکت کی ۔ اجلاس میں اپریشنل امور کا تفصیلی جائزہ لیا گیا ۔تمام وسائل بروئے کار لاتے ہوئے موٹروے استعمال کرنے والوں کو ہر ممکن سہولت فراہم کی جائے ۔ایڈیشنل انسپیکٹر جنرل، یاسین فاروق نے مزید کہا کہ عوام سے بہترین رویہ اور بروقت مدد کو یقینی بنایا جائے.روڈ سیفٹی کو مزید موثر بناتے ہوئے عوام میں ٹریفک قوانین کی اگاہی پیدا کی جائے گی.بہترین پیشہ وارانہ کارکردگی دکھانے والے افسران کی حوصلہ افزائی اور کوتاہی برتنے والوں کے ساتھ سختی سے نمٹا جائے گا.