گوجرانوالہ( بیورو رپورٹ) بزرگ عالم دین مولانا حافظ محمد اکرام اللہ صدیقی کے بیٹے علامہ حافظ محمد عمر فاروق صدیقی مرحوم سچے عاشق رسول اور اسلام کے مجاہد تھے بے شمار صلاحیتوں کے مالک تھے انہوں نے اپنی زندگی اسلام کی سر بلندی اور دیں اسلام کی ترویج اشاعت میں گزاری تحفظ ختم نبوت نظام مصطفی کے نفاذ اور مقام مصطفی کے تحفظ کے لئے ہمیشہ میدان عمل میں رہے جامعہ کا قیام، درس وتدریس امامت وخطابت اور سینکڑوں طلبا کو زیور تعلیم سے آراستہ کرنا ان کے لئے ایک بہت بڑا صدقہ جاریہ ہے محمد عمر فاروق صدیقی مرحوم کا انتقال اہلسنت وجماعت کے لئے ایک بہت بڑا سانحہ ہے مرحوم کی ہمہ وقت بیداری مذہبی،مسلکی سماجی خدمات کو ہمیشہ یاد رکھا جائے گا۔ان خیالات کا اظہار امیر اعلیٰ ادارة المصطفےٰ انٹرنیشنل پیر زادہ محمد رضا ثاقب مصطفائی ،پیر مفتی علی زین العابدین شاہ قادری الکرمانی،حافظ آفتاب احمد رانجھا ودیگر مقررین نے حافظ محمد اکرام صدیقی اشرفی کی زیر سرپرستی جامع مسجد جناح ہسپتال ماڈل ٹاون میں علامہ حافظ محمد عمر فاروق صدیقی رحمتہ اللہ علیہ کی یاد میں منعقدہ فروغ علم سیمینار سے خطاب کرتے ہوئے کیا۔تقریب سے صاحبزادہ قاری محمد ابوبکر صدیقی، صاحبزادہ حافظ محمد عثمان صدیقی، صاحبزادہ حافظ محمد علی صدیقی ،سید عرفان شاہ مجددی ، محمد زاہد حبیب قادری ،ڈاکٹر محمد حبیب الرحمان رضوی،محمد نعمان صدیقی،ڈاکٹر احمد نورانی، مرکزی صدر انجمن طلبا اسلام سید حسنین نوری، مولانا محمد علی نقشبندی، چوہدری محمد اقبال ہنجرا، حافظ محمد طاہر رضوی،، محمد راشد مغل،۔صاحبزادہ محمد حسان رضا قادری ، ملک محمد نصیر احمد نقشبندی ،مفتی پیر محمد اشرف رضوی قادری،محمد طیب مصطفائی ،عمر سلیم گجر،عطا ء الرحمن صافی،دائود مصطفی مہرکے علاوہ کثیر تعداد میں احباب محبت اور تنظیمات اہل سنت کے قائدین وکارکنان نے خصوصی شرکت کی۔ آخر میں سید عرفان شاہ مجددی نے حافظ محمد عمر فاروق صدیقی مرحوم کی بخشش ومغفرت اور لواحقین کیلئے صبر جمیل کی خصوصی دعا کی۔