گوجرانوالہ( بیورو رپورٹ)انجمن اساتذہ پاکستان ڈویژن گوجرانوالہ کے زیر اہتمام سالانہ ڈویژنل الیکشن و تربیتی سیمینار کا اہتمام کیا گیا جس میں کثرت رائے سے رانا محمد شاذب خاں کو صدر ڈویژن گوجرانوالہ اور عاشق حسین صدیقی کو جنرل سیکرٹری منتخب کیا گیا۔ اس موقع پر مہمان گرامی مرکزی صدر انجمن اساتذہ پاکستان عبدالمجید خاں نیازی ، جنرل سیکرٹری انجمن اساتذہ پنجاب قمر الزمان ، مرکزی الیکشن کمشنر خالد نزیر نجمی ، چیئرمین پیٹا پنجاب احسان علی گورائیہ ، سرپرست انجمن اساتذہ گوجرانوالہ صاحبزادہ خالد مسعود چشتی ، ضلعی صدر محمد افضل ہنجرا تھے۔سیمینار سے اظہارِ خیال کرتے ہوئے عبدالمجید خاں نیازی نے کہا کہ اساتذہ معاشرے کو بہتر بنانے میں اپنا بھرپور کردار ادا کرنا ہوگا۔ انجمن اساتذہ موجودہ سال کو ختم نبوت سال کے طور پر منارہی ہے جس کا مقصد اپنے آنیوالی نسلوں کو ختم نبوت کا پکا سچا سپاہی بنانا ہے۔ یہ زمہ داری ہم اساتذہ کے کندھوں پر ہے کہ ہم باطل نظریات اور سوچ کو ہماری آنیوالی نسل کو روشناس کروائیں۔ اس موقع پر قمر الزماں نے کہا کہ انجمن اساتذہ فروغ عشق مصطفی صلی اللہ علیہ وآلہ واصحابہ وسلم کے لئے اپنا بھرپور کردار ادا کر رہی ہے۔ آخر میں نو منتخب قیادت سے الیکشن کمشنر خالد نزیر نجمی نے حلف لیا۔ اس پروگرام میں محمد افضل جنجوعہ ، اشفاق علی ڈوگر جنرل سیکرٹری ضلع گوجرانولہ ، افتخار احمد شامی جنرل سیکرٹری سیالکوٹ ، قاری سلیم عباس صدر نارووال ،نیاز حسین جنرل سیکرٹری نارووال ، صدام انور دھوتھڑ ، اطہر نزیر ، محمد اسلم گھمن تحصیل صدر ڈسکہ کے علاوہ کثیر تعداد میں اساتذہ نے شرکت کی۔