اسلام آباد(آئی ایم ایم)وفاقی وزیر برائے قانون و انصاف اور انسانی حقوق سینیٹر اعظم نذیر تارڑ کی پاکستان میں ہالینڈ کی سفیر ہینی فوکل ڈی وریس سے ملاقات۔
دونوں فریقین نے نیدرلینڈ میں ابھرتے ہوئے سیاسی منظر نامے اور متعلقہ مسائل کے تناظر میں انسانی حقوق کے امور پر تبادلہ خیال کیا۔محترمہ ہینی فوکل ڈی وریس نے اقوام متحدہ کی سلامتی کونسل میں غیرمستقل نشست جیتنے پر بھی مبارکباد دی۔وزیر قانون و انسانی حقوق نے کہا ایسے فورمز کے ذریعے استحکام اور امن کو فروغ دینے کے عزم کا اعادہ کرنا ہے۔ دونوں جانب سے مذہب اور عقیدے کی آزادی کو تسلیم کرنے اور پاکستان کے شہریوں کے لیے آئینی ضمانتوں کی توثیق پر اتفاق ۔دونوں جماعتوں نے مستقبل میں تعاون اور مضبوط دوطرفہ تعلقات کے لیے امید کا اظہار کیا۔