اسلام آباد (آئی ایم ایم) آل پاکستان مسلم لیگ (جناح) کے چیئرمین نواب محمد علی فیصل خان سدوزئی نے کہا ہے کہ اس وقت ملک میں ایک نمبر اور دو نمبر کی لڑائی چل رہی ہے،ملک کا با صلاحیت اور بہترین نوجوان ملکی صورتحال سے مایوس ہو کر باہر جا رہا ہے،ہمارے ساتھ آزاد ہونےوالا ہندوستان اور بعد میں آزاد ہونے والا چین ترقی کی منازل عبور کرکے معاشی طاقت بن چکے ہیں جبکہ ہمارے ملک میں بسنے والے دو نمبرلوگوں نے اسے گہری دلدل میں پھینک دیا ہے،اس ملک کے مخلص اور محب وطن لوگوں کو اکٹھا ہو کر اس ملک کی بہتری کا بیڑہ اٹھا نا ہو گا،نیا نہ پرانا، ہماراپاکستان ہمارے حوالے کرو.
آل پاکستان مسلم لیگ (جناح) کے چیئرمین نواب محمد علی فیصل خان سدوزئی نے ان خیالات کا اظہار نیشنل پریس کلب اسلام آبادمیں ڈی جی خان سے اسلام آباد تک مہنگائی کیخلاف پیدل مارچ کے بعد پریس کانفرنس کرتے ہوئے کیا،ان کا مزید کہنا تھا کہ سابق صدر اور آل پاکستان مسلم لیگ کے بانی صدر پرویز مشرف کے دور اقتدار میں غریب خوشحال تھا اور اشیائے ضروریہ سمیت دیگر اشیا کی قیمتیں کنٹرول میں تھیںمگر آج ہر چیز غریب کی پہنچ سے باہر ہو چکی ہے، ریاست کا کردار مان کا سا ہوتا ہے مگر اس ملک میں غریب کیساتھ سوتیلی ماں والا سلوک ہو رہا ہے، اس ملک میں غریب اپنے بچوں سمیت خودکشیوں پر مجبور ہو گیا ہے جبکہ اشرافیہ اس ملک کو لوٹ کر کھا رہی ہے،ہمیں اس سلسلے کو روکنا ہوگا تاکہ یہ ملک ترقی کی منازل طے کر سکے۔