اسلام آباد (آئی ایم ایم) ڈائریکٹر جنرل کیپٹن ریٹائرڈ محمد ظفر اقبال کی سر پرستی میں فیڈرل گورنمنٹ ایمپلائیز ہاؤسنگ اتھارٹی کمیٹی روم میں ڈائریکٹرز کی
(All Project Progress Review) میٹنگ ہوئی۔جس میں چیف انجینئر، ڈائریکٹر ٹیکنیکل، اور پروجیکٹ ڈائریکٹرز نے ایف /14-ایف 15ہاؤسنگ پروجیکٹ،گرین انکلیو ون /سکائی گارڈن ہاؤسنگ پروجیکٹ،جی 14،جی 15ہاؤسنگ پروجیکٹ اورپارک روڈ ہاؤسنگ پروجیکٹ، کے موجودہ صورتحال کے بارے میں آگاہ کیا۔میٹنگ میں سیکٹر G-15/3 اور سیکٹرG-14/1میں زمین کے قبضے کے مسئلے کو حل کرنے اور اپارٹمنٹس اور سیکٹرز کی ڈویلپمنٹ میں الاٹیز کو تمام سہولیات فراہم کرنے کی ہدایت کی۔
ڈائریکٹر جنرل نے نمایاں کارکردگی دکھانے والے تمام ڈائریکٹرزکے کام کو سراہا اور تاکید کی کہ ہاؤسنگ اتھارٹی کے جو پروجیکٹس تاخیر کا شکار ہیں ان کی جلد از جلد بحالی پر کام کیا جائے۔خصوصاََکشمیر ایو نیو اور سکائی لائن اپارٹمنٹس،چکلالہ، لائف سٹائل ایفرو, پر ایگزیکٹو بورڈ کے فیصلوں کی روشنی میں جلد از جلد کام کا آغاز کیا جائے۔
ڈائریکٹر جنرل نے میٹنگ میں تمام ڈائریکٹرز کومزید ہدایات دیں کہ ہاؤسنگ اتھارٹی کو نئے پروپوزڈ بزنس ماڈل پر کام کو مکمل کیا جائے تاکہ رجسٹرڈ ممبران کو جدید سہولیات کے ساتھ رہائش جلد از جلد مہیا کی جا سکے۔ڈائریکٹر صاحبان کو مختلف پروجیکٹس پر Target اور ٹائم لائن دی گئی جس پر ہفتہ وار رپورٹ دینے کی تلقین کی گئی.ََََ