اسلام آباد(آئی ایم ایم)ء چیئرمین سینٹ سید یوسف رضا گیلانی سے وفاقی وزیرِ توانائی سردار اویس خان لغاری کی پارلیمنٹ ہاؤس میں ملاقات۔ملاقات میں باہمی دلچپسی کے امور سمیت موجود سیاسی صورتحال پر تبادلہ خیال کیا گیا۔چیئرمین سینٹ سید یوسف رضا گیلانی کو بریفنگ دیتے ہوئے اویس خان لغاری نے توانائی کے منصوبوں سے متعلق تفصیلی آگاہ کیا ۔ وفاقی وزیر توانائی نے کہا کہ سینٹ اجلاس میں چیئرمین سینٹ کی رولنگ کے مطابق جب کہیں گے میں کمیٹی آف ہول ہاؤس کے سامنے محکمے اور بجلی کے منصوبوں پر تفصیلی بریفنگ دونگا۔

چیئرمین سینیٹ سید یوسف رضا گیلانی اور سردار اویس لغاری کے درمیان انڈس ہائی وے راجن پور سے ڈیرہ اسمعٰیل خان براستہ جام پور ،ڈیرہ غازی خان ڈبل روڈ کے منصوبے اور ڈی جی خان، روہتکیوں (Hill Torrents) کو محفوظ بنانے کیلئے اور لاکھوں ایکڑ زرعی اراضی کو مستفید کرنے کیلئے ڈیم کی شکل میں جامع منصوبہ بنانے پر بھی اتفاقِ کیا گیا۔مزید براں چیئرمین سینٹ نے کہا کہ ان دونوں منصوبوں پر عملدرآمد کرنے کیلئے ڈپٹی چیئرمین پلاننگ، وفاقی وزیرِ توانائی اور سیکرٹری پلاننگ سمیت لوگوں پر مشتمل کمیٹی تشکیل دی جائے۔اس منصوبے سے متعلق چیئرمین سینٹ سید یوسف رضا گیلانی اور وفاقی وزیرِ توانائی اویس خان لغاری ڈپٹی چیئرمین پلاننگ کمیشن سے جلد ملاقات کریں گے۔