اسلام آباد (پریس ریلیز)ملک کے مختلف علاقوں میں طوفانی بارشوں’ سیلابی ریلوں اور لینڈ سلائیڈنگ سے متاثر ہونے والی قومی شاہراہوں کی بحالی کا کام تندہی سے جاری.چیئرمین نیشنل ہائی وے اتھارٹی شہریار سلطان کی خصوصی ہدایات پر این ایچ اے کا عملہ ضروری مشینری کے ساتھ ہائی الرٹ.قومی شاہراہ مانسہرہ’ ناران این ۔15 پر واقع مہانڈری کے مقام پر سیلابی ریلے سے متاثرہ پل کی بحالی کا کام ہنگامی بنیادوں پر جاری ہے ‘ جبکہ مہانڈری بازار میں پیدل چلنے والوں کیلئے راستہ بحال کر دیا گیا ہے ۔ این ایچ اے کے متعلقہ حکام نے کم وقت میں بڑے کنکریٹ پائیپوں کی تنصیب کو یقینی بنا کر پانی کے اوپر پیدل راستہ بنایا ہے اسیطرح گاڑیوں کی آمدورفت بذریعہ کومپیکٹ 200 پل کیلئے بھی اقدامات تیز کر دیے ہیں۔ چیئرمین این ایچ اے شہریار سلطان نے خود گزشتہ دنوں متاثرہ سائیٹ کے معائنہ کے دوران پل کی بحالی کیلئے ہنگامی بنیادوں پر اقدامات اٹھانے کی ہدایت کی تھی۔

دوسری طرف قومی شاہراہ ژوب پر واقعہ دہانہ سرکے مقام پر طوفانی بارشوں اورلینڈ سلائیڈنگ کے باعث سڑک کے کنارے شدید متاثر ہوئے ہیں – تاہم نیشنل ہائی وے اتھارٹی کا متعلقہ عملہ اور ضروری مشینری موقع پر موجود ہونے کے باعث متاثرہ شاہراہ ہر قسم کی ٹریفک کے لئے بحال کر دی گئی ہے – تعمیر و مرمت اور ہر قسم کی صورتحال سے بروقت نمٹنے کیلئے این ایچ اے کا عملہ ملک کے تمام قومی شاہراہوں پر سرگرم عمل ہے۔