ڈائریکٹر جنرل ایف آئی اے کا لاہور زون کا دورہ.ڈائریکٹر جنرل ایف آئی اے احمد اسحاق جہانگیر نے لاہور زون کا تفصیلی دورہ کیا.دورے کے دوران ڈی جی ایف آئی نے لاہور زون کے اعلیٰ سطحی اجلاس کی صدارت کی.اجلاس میں میں ڈائریکٹر فیصل آباد ، گوجرانوالہ اور ملتان زون نے بذریعہ ویڈیو لنک شرکت کی.اجلاس میں ڈی جی ایف آئی اے کو جامع کارکردگی رپورٹ پیش کی گئی.اجلاس میں میں اوور بلنگ، پاسکو سکینڈل، منی لانڈرنگ اور انتہائی مطلوب انسانی سمگلروں کے خلاف کاروائیوں پر پیش رفت کا جائزہ لیا گی.

ڈی جی ایف آئی اے نے زونز کی کارکردگی پر اطمینان کا اظہار کیا.اجلاس کے اختتام پر آئندہ کے لائحہ عمل کو زیر غور لایا گیا .ڈی جی ایف آئی اے نے انسانی سمگلنگ ، کرپشن ، منی لانڈرنگ ، ممنوعہ ادویات کی تیاری ، اوور بلنگ میں ملوث عناصر کے خلاف کاروائیاں مزید تیز کرنے پر زور دیا.ملزمان کی گرفتاری کے لئے تمام تر وسائل کو بروئے کار لایا جائے۔ مسافروں کو بہترین امیگریشن سروسسز فراہم کرنا اولین ترجیح ہے.بیرون ملک بھیک مانگنے کے غرض سے جانے والے عناصر کی سخت اسکریننگ کی جائے.