گوجرانوالہ(آئی ایم ایم)عقیدہ ختم نبوت کے تحفظ کے لیے ہم کسی کسی قربانی سے دریغ نہیں کریں گے یہ عقیدہ مسلمانوں کے لیے بنیادی اساس ہے جس کے بغیر ہمارا ایمان مکمل نہیں ہوتا۔ ان خیالات کا اظہار جماعت اہل سنت پاکستان سٹی گجرانوالہ کے زیر اہتمام مرکز اہل سنت جامعہ حنفیہ باغبانپورہ میں منعقدہ تذکرہ بانیان پاکستان سمینا ر سے خطاب کرتے ہوئے علماء و مشائخ اہل سنت نے کیا۔ سیمینار کی صدارت سٹی گجرانوالہ کے امیر مولانا الیاس قادری نے کی۔ سیمینار سے خطاب کرتے ہوئے مولانا خالد حسن مجددی نے کہا کہ دو قومی نظریہ اسلام کا نظریہ ہے جس کا اغاز دور رسالت صلی اللہ علیہ وسلم میں ہوا جب حضور اکرم صلی اللہ علیہ وسلم نے فرمایا تمہارے لیے تمہارا دین ہے اور میرے لیے میرا دین ہے، سٹی ناظم اعلی مولانا فیاض الحسن صدیقی نے خطاب کرتے ہوئے کہا کہ بر صغیر پاک و ہند میں دو قومی نظریے کی بنیاد مولانا فضل حق خیر آبادی نے رکھی، ڈاکٹر ابوبکر صدیق رضوی نے کہا کہ تحریک پاکستان کا نقطہ آ غاز اعلی حضرت مولانا شاہ احمد رضا خان فاضل بریلی نے کیا ۔ بعد ازاں مسلم لیگ نے اس تحریک کو آگے بڑھایا ۔حافظ محمد یعقوب فریدی نے کہا کہ وطن عزیز پاکستان میں قادیانیوں کی ریشہ دوانیاں دن بدن بڑھتی جا رہی ہیں امتنائے قادیانیت آرڈیننس مذاق بن کر رہ گیا ہے.
سنی تحریک پنجاب کے رہنما محمد زاہد حبیب قادری نے کہا کہ عنقریب قادیانیوں کے خلاف فیصلہ کن تحریک کا اغاز ہوگا، محمد کرام بابر کھوکھر ٹکٹ ہولڈر مسلم لیگ( ق ) نے کہا کہ احمد مبارک ثانی کیس کا فیصلہ انتہائی متنازعہ ہے جس کی بھرپور مذمت کرتے ہیں ،حافظ محمد رفیق قادری نے کہا کہ پاکستان کا قیام علما مشائخ اہل سنت کی مخلصانہ کوششوں کاوشوں کا نتیجہ ہے، سمینار سے مولانا اکبر نقشبندی ،غلام فرید کیلانی ،حافظ غلام عباس چٹھہ، یاسر ستار حقانی، فخر ریاض سیفی قاری محمد اعظم چشتی، مولانا عبدالمجید گیلانی، مولانا سرفراز احمد فیاضی ،قاری محمد اشرف، محمد عارف وڑائچ، مولانا افتخار الحسن نوری ،ناظم حسین نقشبندی ،مہر سکندر ،حافظ محمد آصف ،صاحبزادہ حافظ نعمان صدیقی محمد احمد کے علاوہ دیگر علماء مشائخ نے بھی خطاب کیا۔
