اسلام آباد (آئی ایم ایم) پاکستان پیپلز پارٹی کے چیئرمین بلاول بھٹو زرداری نے بیلسٹک میزائیل شاہین-ٹو کے کامیاب تجربے پر اطمینان کا اظہار کیا ہے۔ میڈیا سیل بلاول ہاوَس سے جاری پریس رلیز کے مطابق، پی پی پی چیئرمین نے اپنے پیغام میں شاہین-ٹو کے کامیاب تجربے پر اِس پروجیکٹ سے منسلک سائنسدانوں اور انجنیئرز کو مبارکباد دی ہے۔

انہوں نے کہاکہ ہماری میزائیل ٹیکنالاجی ہمارے سائنسدانوں و انجنیئرز کی مہارت اور لگن کی آئینہ دار ہے۔ انہوں نے مزید کہاکہ شاہین -ٹو کا کامیاب تجربہ پاکستان کے دشمنوں کے لیے خوف کا پیغام ہے۔ چیئرمین بلاول بھٹو زرداری کا کہنا تھا کہ یہ میرے لیے باعثِ فخر ہے کہ بیلسٹک میزائیل ٹیکنالوجی ارضِ وطن کے لیے میری والدہ شہید محترمہ بینظیر بھٹو کا تحفہ ہے۔