کراچی(آئی ایم ایم)ڈائریکٹر جنرل ایف آئی اے کا کراچی زون کراچی ائرپورٹ کا دورہ.ڈائریکٹر جنرل ایف آئی اے احمد اسحاق جہانگیر نے کراچی زون کا تفصیلی دورہ کیا.دورے کے دوران ڈی جی ایف آئی نے کراچی زون کے اعلیٰ سطحی اجلاس کی صدارت کی.اجلاس میں ایڈیشنل ڈائریکٹر جنرل ساوتھ مجاہد اکبر، ڈائریکٹر کراچی زون نعمان صدیقی، ڈائریکٹر عبدالسلام شیخ، سرکل انچارجز اور دیگر افسران نے شرکت کی.اجلاس میں ڈی جی ایف آئی اے کو کراچی زون کی جامع کارکردگی رپورٹ پیش کی گئی.اجلاس میں حوالہ ہنڈی، جعلی ادویات اور انسانی سمگلروں کے خلاف کاروائیوں پر پیش رفت کا جائزہ لیا گیا.
ڈی جی ایف آئی اے نے کراچی زونز کی کارکردگی پر اطمینان کا اظہار کیا.اجلاس کے اختتام پر آئندہ کے لائحہ عمل کو زیر غور لایا گیا .ڈی جی ایف آئی اے نے انسانی سمگلنگ ، کرپشن ، منی لانڈرنگ ، ممنوعہ ادویات کی تیاری میں ملوث عناصر کے خلاف کاروائیاں مزید تیز کرنے کی ہدایات جاری کیں۔اشتہاری ملزمان کی گرفتاری کے لئے خصوصی اسکوڈ تشکیل دئیے جائیں۔زیر التوا انکوائریوں اور مقدمات کی تفتیش کو جلد مکمل کیا جائے۔انکوائری اور مقدمات کی تفتیش میں میرٹ کو یقینی بنایا جائے۔
ڈی جی ایف آئی اے نے مزید کہا کہ ملزمان کی گرفتاری کے لئے تمام تر وسائل کو بروئے کار لایا جائے۔ افسران کی کارکردگی کو جانچنے کے لئے ماہانہ بنیادوں پر میٹنگز کا انعقاد کیا جائے۔کراچی ائرپورٹ دورے کے دوران ڈی جی ایف آئی اے نے مسافروں کے لئے نصب کئے گئے فیڈ بیک ایپلیکشن سسٹم کی تعریف کی۔مسافروں کی تجاویز سے ہی امیگریشن سروسسز کو مزید بہتر کیا جا سکتا ہے۔مسافروں کو بہترین امیگریشن سروسسز فراہم کرنا اولین ترجیح ہے۔غفلت یا شکایت کی صورت میں متعلقہ افسر کی خلاف سخت کاروائی کی جائے۔
