گوجرانوالہ(آئی ایم ایم)ڈپٹی کمشنر گوجرانوالہ طارق قریشی کیساتھ مسلم لیگ ن سوشل میڈیا ٹیم کے عہدیداروں کی ملاقات،عوامی و شہری مسائل اور انکے حل پر تفصیلی گفتگو کی گئی۔گذشتہ روز پاکستان مسلم لیگ ن سوشل میڈیا ٹیم کے سٹی جنرل سیکرٹری عامر سہیل بٹ اور سینئر نائب صدر رانا رمیض راجپوت نے ڈپٹی کمشنر گوجرانوالہ طارق قریشی کیساتھ انکے دفتر میں خصوصی ملاقات کی۔لیگی رہنماؤں نے دوران ملاقات ڈپٹی کمشنر کو عوامی و شہری مسائل سے آگاہ کیا اور ڈپٹی کمشنر گوجرانوالہ کیساتھ مسائل کو حل کرنے کے بارے میں بھی تفصیلی گفتگو کی گئی۔اس موقع پر ڈی سی گوجرانوالہ طارق قریشی نے کہا کہ ضلعی انتظامیہ وزیر اعلیٰ پنجاب مریم نواز شریف کے احکامات پر عوام کو درپیش مسائل ترجیحی بنیادوں پر حل کرنے کیلئے اقدامات کررہی ہے۔

وزیر اعلیٰ پنجاب کی ہدایات پر ہر جمعہ کے روز ڈپٹی کمشنر آفس میں کھلی کچہری کا انعقاد کیا جاتا ہے جہاں عوام کے مسائل کو براہ راست سن کر انکو حل کرنے کیلئے احکامات جاری کئے جاتے ہیں۔ضلعی انتظامیہ وزیر اعلیٰ پنجاب مریم نواز شریف کے وژن کے مطابق عوام کی مشکلات میں کمی لانے کیلئے عملی اقدامات کررہی ہے۔گوجرانوالہ شہر میں سیوریج،سٹریٹ لائٹس سمیت دیگر مسائل جلد حل کر لئے جائیں گے جبکہ معیاری ترقیاتی کاموں کی بھی بروقت تکمیل یقینی بنائی جائے گی۔