لاہور(نیوزڈیسک)سرکردہ سیاسی شخصیات اور سابق ارکان اسمبلی مسلم لیگ (ن) میں شامل ہو گئے،جمعرات کو سابق وزیراعظم اور پاکستان مسلم لیگ (ن) کے صدر شہباز شریف سے ملاقات میں سابق ارکان اسمبلی اور سیاسی شخصیات نے شمولیت کا اعلان کیا،مسلم لیگ ن میں شامل ہونے والوں میں مولانا ایم آصف معاویہ، بابر خان سیال، مسز نیلم سیال، مہر اسلم بھروانہ، شیخ ایم یونس، خالد محمود سرگانہ ،چوہدری خالد غنی، امیر عباس سیال، فیصل حیات جبوانہ، شیخ یعقوب، مسز شیخ یعقوب، رئیس محمد ابراہیم، مزاری قبیلے کی سرکردہ سیاسی شخصیت سردار ریاض خان مزاری اور سابق سپیکر پنجاب اسمبلی دوست محمد خان مزاری ہیں،اس موقع پر ہباز شریف نے مسلم لیگ (ن) میں شامل ہونے والوں کا خیر مقدم کیا اور مبارک دی،شہباز شریف نے کہاکہ مسلم لیگ (ن) ایک گھر ہے جو پاکستان کی ترقی اور خوشحالی کی ضمانت ہے،آپ کی شمولیت سے پاکستان کی ترقی کا سفر تیز ہوگا، شہباز شریف نے کہاکہ مہنگائی سے عوام کو نجات دلانے کے لئے نواز شریف کے ہاتھ مضبوط کرنے ہیں، پاکستان کو معاشی طور پر پیروں پر کھڑا کرنے کی جدوجہد سب مل کر کریں گے، پاکستان کو درپیش بحرانوں کا مقابلہ اتحاد، اتفاق اور سیاسی تعاون کی قوت سے کریں گے،سابق ارکان اسمبلی نے اس موقع پر اظہار خیال کرتے ہوئے کہاکہ قائد محمد نواز شریف اور شہباز شریف نے پاکستان کی ترقی، خوشحالی اور عوام کے ریلیف کے لئے ہمیشہ دیانتداری اور خلوص سے کام کیا، بعدازاںسابق وزیراعظم اور پاکستان مسلم لیگ (ن) کے صدر شہباز شریف سے پارٹی رہنمائوں نے ملاقات کی،پارٹی کے سینئر رہنما رانا تنویر، شذرہ منصب کھرل، سید باسط بخاری اور سیدہ نوشین افتخار ملاقات کرنے والوں میں شامل تھے ،میاں عمران قریشی ، حامد حمید اور عارف گل نے بھی پارٹی صدر شہباز شریف سے الگ ملاقات کی ،ملاقات میں مستقبل میں پارٹی کی سرگرمیوں اور انتخابات کی تیاریوں پر گفتگو ہوئی رہنماؤں نے اپنے اپنے حلقے میں انتخابات کی تیاریوں کے حوالے سے پارٹی صدر کو آگاہ کیا،شہباز شریف نے پارٹی رہنماؤں اور کارکنوں کی جذبے اور کاوشوں کو سراہارہنماؤں نے ایون فیلڈ ریفرنس میں پارٹی قائد محمد نواز شریف کی ایون فیلڈ ریفرنس میں بریت پر مبارک بھی دی ۔شہباز شریف نے نیک تمناؤں کے اظہار پر پارٹی راہنمائوں کا شکریہ ادا کیا۔
مزید پڑھیں: نواز شریف کی اسلام آباد ہائی کورٹ میںپیشی، تصویری جھلکیاں
