اسلام آباد(محمد حسین ) اسلام آباد کبڈی ایسوسی ایشن کےصدر راؤ فیصل ارحمن کی جانب سے اسلام آباد سپورٹس کمپلیکس میں چیمبر کبڈی لیگ کا انعقاد کیا گیا فائنل اسلام آباد چیمبر آف کامرس اور فرید کبڈی اکیڈمی کی ٹیموں کے درمیان کھیلا گیا جو چیمبر اف کامرس نے 18 کے مقابلے میں 24 پوائنس سے جیت لیا اسلام آباد چیمبر آف کامرس کی ٹیم چیمپئین قرار پائی ۔صدر اسلام آباد چیمبر آف کامرس احسن بختاوری نے بطور مہمان خصوصی شرکت کی اس موقع پر انہوں نے کہا کبڈی نہ صرف صحت مندانہ کھیل ہے بلکے کبڈی پاکستان کی پہچان اورہمارا ثقافتی کھیل بھی ہے ۔اس موقع پر پاکستان کبڈی فیڈریشن کے سیکرٹری جنرل راناسرور اسلام آباد چیمبر سے ظفر بختاوری،خالد ملک، ڈپٹی ڈائریکٹر سی ڈی اے چوہدری شہزاد سیکریٹری جنرل اسلام آباد بار ہائی کورٹ بارشفقت تارڑ بھی موجود تھے۔

صدر اسلام آباد کبڈی ایسوسی ایشن راؤ فیصل ارحمن نے آسلام آباد چیمبر آف کامرس کی ٹیم کو جیت پرمبارک باد دی اور بہترین کارکردگی پر خراج تحسین پیش کیا اور مہمانوں کی آمد پر ان کا شکریہ ادا کرنے کے ساتھ کبڈی کے کھیل کو قومی و بین الاقوامی سطح پر اجاگر کرنے کے لیے اپنی ہرممکن کوشش اور اقدامات کے عزم کا اعادہ کیا -ونر اور رنر اپ ٹیموں کو ٹرافی شیلڈز اور دیگر انعامات دیے گئے ۔شائقین کبڈی نے چیمبر اف کامرس اور اسلام آباد ایسوسی ایشن کو کبڈی لیگ کروانے پر ان کی کاوشوں کو سراہا۔