اسلام آباد(آئی ایم ایم)ایف آئی اے امیگریشن کراچی ائرپورٹ کی کارکردگی رپورٹ.گزشتہ 8 ماہ کے دوران 16,700 پروازیں کے ذریعے 2.79 ملین مسافروں کی امیگریشن کا عمل مکمل کیا گیا. رواں سال کے دوران 83 ملزمان کو جعلی دستاویزات کی بنیاد پر گرفتار کیا گیا۔ 55 ملزمان کو جعلی ویزوں جبکہ 28 ملزمان کو جعلی پاسپورٹس کی بنیاد پر گرفتار کیا گیا.مختلف اداروں کو سنگین جرائم میں مطلوب متعدد ملزمان کو اسٹاپ لسٹ کی بنیاد پر گرفتار کیا گیاعلاوہ ازیں کراچی ائرپورٹ پر جدت اور بہتری کا سلسلہ جاری ہے۔جدید ٹیکنالوجی کو بروئے کار لاتے ہوئے آمد اور روانگی کے کاؤنٹرز کو انٹرپول کے ڈیٹا بیس تک براہ راست رسائی فراہم کی گئی ہے.رواں سال آئی سی ایم پی ڈی کے تعاون سے جدید فرانزک اور آئی ٹی آلات سے لیس سیکنڈ لائن آفس کا اجراء کیا گیا. سکینڈ لائن آفس کی بدولت ویزہ اور پاسپورٹ کی جانچ پڑتال میں مدد ملے گی.

امیگریشن آفسران کو سفری دستاویزات کی جانچ پڑتال کرنے کے حوالے سے خصوصی ٹریننگز کا انعقاد بھی کیا گیا.رئیل ٹائم میں مسافروں کی رائے جاننے اور تجربات شئیر کرنے کے لیے کیو آر کوڈ سسٹم متعارف کرایا گیا ہے.اس کے ساتھ ساتھ نیا ویزا نظام بھی کامیابی سے نافذ کیا گیا ہے.مسافروں کی رہنمائی کے لئے امیگریشن فیسیلیٹیشن آفسران کو خصوصی طور پر تعینات کیا گیا.ڈائریکٹر کراچی زون نے ایف آئی اے امیگریشن کراچی ائرپورٹ کی کارکردگی کو سراہا۔

ڈائریکٹر کراچی زون کا کہنا ہے کہ مسافروں کو بہترین امیگریشن سروس کی فراہمی کو یقینی بنایا جائے۔سکینڈ لائن آفس انسانی سمگلنگ کی روک تھام کے لئے موثر ثابت ہو رہے ہیں۔ویزا فراڈ میں ملوث عناصر کے خلاف آہنی ہاتھوں سے نمٹا جائے گا.شہریوں سے گزارش کی جاتی ہے کہ اپنی ذاتی دستاویزات کسی کے حوالے نہ کریں۔ویزا حصول کے لئے ہمیشہ متعلقہ ملک کی ایمبیسی سے رابطہ کریں۔