گوجرانوالہ ( آئی ایم ایم)سرور کائنات کے یوم ولادت کو بھرپور مذہبی جوش و خروش کے ساتھ منایا جائے گا ۔ ماہ ربیع الاول آمد مصطفی کا بابرکت مہینہ ہے جس میں عشاقان رسول صلی اللہ علیہ وآلہ وسلم گھر گھر گلی گلی مساجد ومدارس میں محافل میلاد کا انعقاد کر کے آقا علیہ الصلو والسلام کے ساتھ عقیدت ومحبت کااظہار کرتے ہیں میلاد مصطفی مناو اور پیغام مصطفی اپناو کا درس دیتے ہیں لہذا انتظامیہ محافل میلاد جلوس و ر یلیوں کے منتظمین کے ساتھ حسب معمول تعاون کر کے شکریہ کا موقع دیں بلا وجہ منتظمین کو پریشان نہ کیا جائے، میلاد جلوس و ریلیوں کے روٹس میں تمام رکاوٹیں دور کی جائیں ،صفائی کا خصوصی انتظام کیاجائے۔
ان خیالات کا اظہار جماعت اہل سنت کے زیراہتمام تنظیمات اہل سنت کے قائدین نے مشترکہ پریس کانفرنس میں کیا۔ قائدین تنظیمات اہل سنت علامہ صاحبزادہ پیر محمد دائود رضوی ، سید مستجاب علی شیرازی، محمد زاہد حبیب قادری ، علامہ محمد شعبان القادری ، علامہ پیر ضیاء اللہ قادری، صاحبزادہ حاجی محمد یعقوب چشتی، حافظ محمد رفیق قادری، علامہ حضرت صاحبزادہ حافظ مہرمحمد عدیل عارف ،چوہدری محمداقبال ہنجرا ،چوہدری شازب علی چٹھہ،صاحبزاہ عدیل عارف مہر،حفاف چشتی،محمد آصف مغل،دائود مصطفی نے کہا کہ دنیا وآخرت میں کامیابی اطاعت مصطفوی صلی اللہ علیہ وآلہ وسلم میں ہے۔
معاشرے میں برائیوں کے خاتمہ اور امن و سلامتی فلاح بہبود خدمت انسانیت کے لئے تنظیمات اہل سنت کے قائدین وکارکنان بھی انتظامیہ سے مکمل تعاون کے لئے حاضر ہیں آمد مصطفی کا مقصد امن وسلامتی اخوت بھائی چارہ اور رواداری ہے جس کو اپنا کر ہم معاشرے کو امن وسلامتی کا گہوارہ بنا سکتے ہیں ۔ اس موقع پر بتایا گیا کہ مرکز انوارالمساجد پاپولر نرسری سے بھی 16 ستمبر بعد نماز مغرب میلاد ریلی کی تیاریاں بھی مکمل ہیں تمام ذمہ داران کو ڈیوٹیاں سونپ دی گئی ہیں ۔
