اسلام آباد(آئی ایم ایم)گزشتہ 24 گھنٹوں کے دوران اے این ایف کا منشیات اسمگلنگ کے خلاف کاروائیوں کا سلسلہ جاری۔ 8 کاروائیوں میں 3 کروڑ روپے سے زائد مالیت کی 539 کلوگرام منشیات برآمد، 6 ملزمان گرفتار۔بوسان روڈ ملتان میں یونیورسٹی کے قریب موٹر سائیکل سوار سے 200 گرام چرس برآمد۔ ملزم بنام اسامہ رحمان خان جو کہ خانیوال کا رہائشی ہے کا ملتان کے تعلیمی اداروں کے طلباء کو منشیات فروخت کرنے کا اعتراف۔گرفتار ملزم مختلف جامعات اور کالجوں کے طلباء کو کینٹین اور ہوسٹل سٹاف کے ذریعے منشیات فراہم کرتا تھا۔راولپنڈی میں یونیورسٹی کے قریب ملزم سے 500 گرام افیون برآمد۔ صادق آباد راولپنڈی کے قریب گھر سے 500 گرام چرس برآمد، ملزم گرفتار۔

اسلام آباد کے سیکٹر ایچ 11 میں یونیورسٹی کے قریب سے 100 گرام چرس برآمد۔ ملزم گرفتار۔ مانسہرہ میں ہوٹل کے قریب گاڑی سے 300 گرام چرس برآمد، ملزم گرفتار۔ گرفتار ملزمان کا تعلیمی اداروں کے طلباء کو منشیات فروخت کرنے کا اعتراف.رنگ روڈ پشاور پر واقع کوریئر آفس میں شیخوپورہ بھیجے جانے والے پارسل سے 2.4 کلو گرام افیون برآمد۔ پسنی کوسٹل ہائی وے گوادر پر گاڑی سے 14 کلوگرام چرس اور 1 کلوگرام آئس برآمد، ملزم گرفتار۔ پشین سے 520 کلو گرام چرس گردہ برآمد۔گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔