اسلام آباد(سپورٹس رپورٹر ) انٹرنیشنل ٹینس فیڈریشن (ITF) اور ایشین ٹینس فیڈریشن (ATF) کی سالانہ جنرل میٹنگز (AGMs) 8 سے 11 اکتوبر 2024 کو چین کے شہر ہانگ کانگ میں کامیابی کے ساتھ منعقد ہوئیں۔ ATF کی AGM 8 اور 9 اکتوبر کو ہوئی اس کے بعد 10 اور 11 اکتوبر کو ITF کی AGM ہوئی۔ پاکستان کی نمائندگی پاکستان ٹینس فیڈریشن (PTF) کے وفد نے کی۔ سینیٹر سلیم سیف اللہ خان۔سرپرست-پی ٹی ایف اور ممبر بورڈ آف ڈائریکٹرز، ایشین ٹینس فیڈریشن (اے ٹی ایف)اعصام الحق قریشی – صدر، پاکستان ٹینس فیڈریشن (PTF) محمد علی مرتضیٰ – ممبر، اے ٹی ایف مارکیٹنگ کمیٹی سینیٹر سلیم سیف اللہ خان نے اتنے اہم بین الاقوامی پلیٹ فارم پر پاکستان کی نمائندگی کرنے پرفخر کا اظہار کرتے ہوئے کہا، “اس طرح کے اعلیٰ سطحی اجلاس میں پاکستان کی نمائندگی کرنا ہمیشہ اعزاز کی بات ہے۔کھیل کی ترقی کے لیے ہم ایشیا اور پاکستان میں ٹینس کی ترقی پر کام جاری رکھیں گے۔
اعصام الحق قریشی،PTF کے صدر کی حیثیت سے پہلی بار ITF AGM میں شریک ہوئے،ITF کے صدر مسٹر ڈیوڈ ہیگرٹی، ATF کے صدر مسٹر Yuriy Polskiy اور دیگر فیڈریشن سربراہان نے بطور صدر پرتپاک کیا۔اس موقع پر اعصام الحق قریشی نے کہا، “فیڈریشن کے صدر کی حیثیت سے AGM میں شرکت کرنا ایک بہت ہی مثبت اور افزودہ تجربہ تھا۔ ہماری دنیا بھر میں ٹینس فیڈریشنز کے سربراہان کے ساتھ بامعنی بات چیت ہوئی۔ یہ ایک شاندار تجربہ تھا،اور ہم نے قیمتی رابطے کیے، جن میں مسٹر ڈیوڈ ہیگرٹی (صدر-آئی ٹی ایف)، مسٹر یوری پولسکی (صدر-اے ٹی ایف)، مسٹر بلات اوتیموراتوف (صدر-قازقستان ٹینس فیڈریشن)، مسٹر عبدالریدھا جے الغریب (صدر-کویت ٹینس فیڈریشن)، مسٹر ماریو منروے (صدر-پیرو ٹینس فیڈریشن)، مسٹر ڈائیٹلوف وان آرنم (صدر-جرمن ٹینس فیڈریشن)، مسٹر اقبال بن اساک (صدر-سری لنکا ٹینس ایسوسی ایشن)، مسٹر معتصم حمود سنگور الزادجلی (صدر-عمان ٹینس ایسوسی ایشن)، مسٹر مائیکل چینگ (صدر-ہانگ کانگ چائنیز ٹینس ایسوسی ایشن)، مسٹر سیسلاو سیوہری(صدر-نیشنل ٹینس فیڈریشن آف مالڈووا)، اور مسٹر ایزز ڈولیٹوف (صدر -ترکمانستان ٹینس فیڈریشن)۔
مجھے یقین ہے کہ ان بات چیت کے نتائج پاکستان میں ٹینس کے لیے نمایاں بہتری کا باعث بنیں گے۔ انشاء اللہ، ہم خطے اور اپنے ملک میں ٹینس کے فروغ اور ترقی کے لیے ان سب کے ساتھ مل کر کام کرتے رہیں گے
