گوجرانوالہ(آئی ایم ایم)گورنمنٹ گریجویٹ کالج فار بوائز سیٹلائٹ ٹائون شعبہ انگریزی کے زیر اہتمام استاد ناصر بھٹی کو شعبہ انگریزی میں بطور اسسٹنٹ پروفیسر ترقی پانے ،پروفیسرر یئس کو ڈیپارٹمنٹ جوائن کرنے پر اور پروفیسر خواجہ جواد ،پروفیسر ثاقب ،پروفیسر عثمان عاصم اور پروفیسر شاہد حسین کو الوداعی پارٹی دی گئی۔تقریب کے مہمان خصوصی گورنمنٹ گریجویٹ کالج فار بوائز سیٹلائٹ ٹائون کے پرنسپل ڈاکٹر محمد نذیر انصاری ،وائس پرنسپل عبداللہ نعمان تھے انہوں نے اپنے خطاب میں کہا کہ اچھا استاد طالب علم میں تحقیق و جستجو کو جلا دیتا ہے اور مستقبل میں کامیابی کی راہ پر گامزن کرتا ہے زندگی کو بامقصد بنانے کے لئے ضروری ہے کہ اساتذہ طالب علم کو زندگی کا حقیقی شعور دے کر ملک کے مسقبل کے لئے قیادت سازی کی مہارت منتقل کرے ۔
تقریب میں جن اساتذہ کے اعزاز میں تقریب منعقد کی گئی ان کی تعلیم کے فروغ ا ور تعلیم کے میدان میں پیشہ ورانہ فرائض کی شاندار انجام دہی پر انہیں خراجِ تحسین بھی پیش کیا گیا۔پروفیسر ناصر بھٹی نے اپنے خطاب میں کہا کہ میں گورنمنٹ کالج فار بوائز سیٹلائٹ ٹائون کے شعبہ انگریزی کا تہہ دل سے شکر گزار ہوں جنہوں نے ان کے اعزا زمیں تقریب منعقد کی۔
