خیرپور(آئی ایم ایم) ڈپٹی کمشنر سید احمد فواد شاہ نے کہا ہے کہ اینٹو کے بھٹوں پر بچوں سے جبری مشقت اور کام لینا ہرگز برداشت نہیں کیا جائے گا۔ سپریم کورٹ کی واضح ہدایات کے مطابق چائلڈ لیبر ایکٹ کی پابندی سختی سے کی جائے جن بھٹوں پر بچوں ے محنت اور مشقت لی جائے گی اور چیکنگ کے دوران واضح ہوا تو ان بھٹو کے مالکان کے خلاف سخت قانونی کاروائی کی جائےگی ۔ انہوں نے یہ بات خیرپور ضلع میں اینٹوں کی نئی قیمتیں مقرر کرنے کے حوالے سے منعقدہ اجلاس کی صدارت کرتے ہوئے کیا ۔ اجلاس میں فیصلہ کیا گیا کہ ضلع بھر میں 3 ہزار اینٹوں کی قیمت 27 ہزار روپے مقرر ہوگی۔ ڈی سی خیرپور نے مالکان کو ہدایت کی کہ پیٹرول کی قیمتوں میں واضح کمی کے نتیجے میں اینٹوں کے نرخ بھی کم ہونے چاہیں انہوں نے کہا کہ اس سلسلے میں جاچ پڑتال کی جائے گی اگر کویہ بھی ملوث پایا گیا تو اس کو قانون کے مطابق سزار اور جرمانے کا سامنا کرنا پڑے گا ۔
اسسٹنٹ کمشنر ارسلان حیدر پھلپوٹو نے عوامی شکایات کا نوٹس لیتے ہوئےمختیارکار شیراز پھلپوٹو، انسداد تجاوزات فورس اور میونسپل کمیٹی کے عملے کے ساتھ شہر کے لقمان، سرکی موڑ، ریلوے پھاٹک، گاڑی پل، خاکی شاہ پل سمیت دیگر علاقوں میں دکانداروں، ریڑھی بانوں اور دیگر کی جانب سے قائم کی گئی تجاوزات کو ختم کرایاگیا ۔ انہوں نے سختی سے وارننگ دی کہ اگر دوبارہ تجاوزات قائم کی گئیں تو اس کے خلاف قانونی کارروائی کی جائے گی۔
عوام کو صحت کی سہولیات فراہم کرنا ضلعی انتظامیہ اور محکمہ صحت کی ذمہ داریوں میں شامل ہے۔ رورل ہیلتھ سینٹرز میں مریضوں کو صحت کی سہولیات ترجیحی بنیادوں پر فراہم کی جا ئیں۔ڈپٹی کمشنر سید احمد فواد شاہ کی ہدایت پراسسٹنٹ کمشنر صوبودیر ڈاکٹر رانا حسیب نے آر ایچ سی را نی پور اور آر ایچ سی ہنگورجا کے دورے کے دوران متعلقہ عملے کو ہدایت کی کہ صفائی، ادویات کی فراہمی اور مریضوں کی چیک اپ میں بہتر رویہ اختیار کریں۔اس دوران ہنگورجا میں لیڈی ڈاکٹر کی غیر موجودگی کے بارے میں آگاہی ملنے پر، ای سی صوبودیر نے کہا کہ جلد ہی لیڈی ڈاکٹر کی تقرری کے لیے ڈپٹی کمشنر اور ڈی ایچ او سے بات چیت کریں گے۔اس کے علاوہ، مریضوں کو بہتر سہولیات فراہم کرنے کے لیے انہیں وارڈ میں شفٹ کرنے پر زور دیا گیا۔ اس موقع پر ڈپٹی ڈائریکٹر انفارمیشن سید ساجد حسین شاہ اور ان کی ٹیم بھی موجود تھی۔
