اسلام آباد(آئی ایم ایم)ایف آئی اے اسلام آباد زون میں گرفتار ملزم کی فرار کی کوشش کا معاملہ۔سوشل میڈیا پر زیر گردش ویڈیو 10 روز پرانی ہے جس میں ملزم نے ایف آئی اے کی کسٹڈی سے فرار ہونے کی کوشش کی۔ زونل آفس اسلام آباد حال ہی میں شفٹ ہوا ہے جس میں حوالات بھی تیار ہو چکے ہیں۔ ملزم زین نے جعلی ویزے کی بنیاد پر کینیڈا جانے کوشش کی تھی جس پر ایف آئی اے امیگریشن نے ملزم کو آف لوڈ کرکے اینٹی ہیومن ٹریفکنگ سرکل اسلام آباد منتقل کیا تھا۔ ملزم نے واش روم کا بہانہ بنا کر کھڑکی سے فرار ہونے کی کوشش کی۔ملزم کو فوری طور پر ہسپتال منتقل کیا گیا جہاں ملزم کا مکمل میڈیکل چیک اپ کیا گیا۔ ڈاکٹر کے مطابق ملزم کو مکمل صحت مند ہونے پر اسی دن 2 گھنٹے کے بعد ڈسچارج کردیا تھا۔

کینیڈا ہائی کمیشن نے بھی ملزم کے حوالے سے بتایا تھا کہ ملزم نے 4 سال قبل بھی جعلی دستاویزات کی بنیاد پر سٹوڈنٹ ویزا کے لئےاپلائی کیا تھا جس پر ملزم کا ویزا ریجکٹ کیا گیا تھا۔اب ملزم نے کسی ایجنٹ کے ذریعے ویزا حاصل کیا جو برداشت تصدیق جعلی نکلا، جس پر ملزم ڈپریشن کا شکار تھا۔یار رہے کہ کسی بھی ملک کے ویزاجات متعلقہ ملک کی ایمبیسی لگاتی ہے ناکہ ایجنٹس۔ ایف آئی اے ایسے ایجنٹس کے خلاف بلا امتیاز کاروائیاں کررہا ہے۔عوام سے گزارش کی جاتی ہے کہ اپنی ذاتی دستاویزات ایجنٹوں کے حوالے نہ کریں۔ بیرون ملک ویزے کے حصول کے لئے ہمیشہ متعلقہ ملک کی ایمبیسی سے رابطہ کریں۔