راولپنڈی(آئی ایم ایم)ریس کورس پولیس کی کاروائی،ڈکیتی کی وارداتوں میں ملوث گینگ کے 02 ملزمان گرفتار،مسروقہ رقم 01 لاکھ 69 ہزار روپے اور وارداتوں میں استعمال ہونے والا اسلحہ برآمد۔ تفصیلات کے مطابق ریس کورس پولیس نے کاروائی کرتے ہوئے ڈکیتی کی وارداتوں میں ملوث گینگ کے 02 ملزمان کو گرفتارکر لیا،گرفتار ملزمان میں عبد الواحد اور زین شامل ہیں، ملزمان سے مسروقہ رقم 01 لاکھ 69 ہزار روپے اور وارداتوں میں استعمال ہونے والا اسلحہ برآمدہوا،ملزمان کو متعدد وارداتوں کے انکشاف پر شناخت پریڈ کے لیے جیل منتقل کیا گیا،جس کے بعد مزید انکشاف متوقع ہیں،ایس پی پوٹھوہار ناصر نواز نے ایس ایچ او ریس کورس اور ٹیم کو شاباش دیتے ہوئے کہا کہ شہریوں کی جان و مال پر حملہ کرنے والے ملزمان قانون کی گرفت سے نہیں بچ سکتے۔