پشاور(آئی ایم ایم)گورنر خیبر پختون خواہ فیصل کریم کنڈی سے جمیعت علماء اسلام کے مرکزی رہنما اور سرحد چیمبر آف کامرس اینڈ انڈسٹری کے سینیئر نائب صدر مولانا عبدالجلیل جان نے ملاقات کی ، گورنر ہاؤس پشاور میں ہونے والی ملاقات میں ملک کی سیاسی صورتحال خیبر پختونخوا کے مسائل اور صوبہ میں کاروباری طبقہ کو درپیش مسائل پر گفتگو کی گئی ، گورنر خیبرپختونخوا نے کاروباری طبقہ کو وفاقی محکمہ جات سے متعلق مسائل کے حوالہ سے مولانا عبد الجلیل جان کو اپنے مکمل تعاون کی یقین دہانی کرائی انہوں نے کہا کہ کاروباری طبقہ کے مسائل کا حل اور صوبہ میں کاروبار کے فروغ سے ہی صوبہ کی ترقی اور خوشحالی وابسطہ ہے اس ضمن میں بطور گورنر میں وفاق میں صوبہ کی کاروباری برادری کے وکیل کا کردار ادا کرونگا