گوجرانوالہ( آئی ایم ایم)پاکستان پیپلز پارٹی کے سینئر راہنما ٹکٹ ہولڈر ایم این اے NA78طارق محمود مغل نے کہا ہے کہ نے بیگم نصرت بھٹو کی سیاسی خدمات کو خراج عقیدت پیش کرتے ہوئے کہا ہے کہ پاکستان میں جمہوریت کی بحالی میں بیگم نصرت بھٹو کی خدمات ناقابل فراموش ہیں۔ ان خیالات کا اظہار انہوں نے مادر جمہوریت بیگم نصرت بھٹو کی 13 ویں برسی کے موقع پر منعقدہ دعائیہ تقریب کے موقع پر خطاب کرتے ہوئے کیا۔انہوں نے کہا کہ بیگم نصرت بھٹو نے آمر کے خلاف عوام کے حقوق اور جمہوریت کے بحالی کیلئے طویل جدوجہد کی ، انہوں نے مشکل دور میں پاکستان پیپلز پارٹی کو قیادت فراہم کی، بیگم نصرت بھٹو کی جمہوریت کیلئے قربانیوں کو خراج عقیدت پیش کرتے ہیں۔انہوں نے کہا کہ کہ بیگم نصرت بھٹو نے آمرانہ حکومت کے ظلم و جبر کا ہمت اور بہادری سے مقابلہ کیا ، وہ مادر جمہوریت اور عزم اور حوصلے کی علامت ہیں ، وہ سیاسی بصیرت کی حامل اور مدبر رہنما تھیں اور انہوں نے خواتین کی خود مختاری اور سیاست میں انکی شمولیت میں اہم کردار ادا کیا۔

طارق محمود مغل نے کہا کہ پاکستان میں جمہوریت کی مضبوطی کیلئے ہمیں بیگم نصرت بھٹو کے نظریے کو مشعل راہ بنانے کی ضرورت ہے، بیگم نصرت بھٹو کی 13 ویں برسی پر ان کے مشن کو جاری رکھنے کے عزم کا اعادہ کرتے ہیں۔ ملک میں جمہوریت کی مضبوطی اور عوامی فلاح و بہبود کیلئے بیگم نصرت بھٹو کے مشن پر کاربند رہیں گے۔