کراچی (نیوز ڈیسک) پیپلزپارٹی کے رہنما شرجیل میمن نے کہا کہ پیپلزپارٹی سیاسی دشمنیوں سے گریز کرتی ہے اور ہماری قیادت کبھی ملک سے نہیں بھاگی۔

ٹنڈوجام میں پریس کانفرنس کرتے ہوئے شرجیل میمن نے کہا کہ پیپلزپارٹی واحد جماعت ہے جو سب سے بات چیت کرسکتی ہے،8 فروری الیکشن کا دن ہے، کچھ جماعتیں عوام کے پاس جانے سے ڈرتی ہیں۔

انہوں نے کہا کہ پیپلزپارٹی سیاسی دشمنیوں سے گریز کرتی ہے اور نفرتوں کی سیاست کا خاتمہ چاہتی ہے، ہمارا مقصد سیاسی جماعتوں کو اکٹھا کرنا ہے۔

شرجیل میمن نے کہا کہ پیپلزپارٹی عوام کی مقبول ترین جماعت ہے، لوگ پیپلزپارٹی میں شامل ہو رہے ہیں، ہماری قیادت کھبی ملک سے نہیں بھاگی، ہم الیکشن کے شیڈول کا انتظارکررہے ہیں۔

انہوں نے کہا کہ کچھ جماعتوں نے بلدیاتی الیکشن کا بائیکاٹ کیا، ایک شخص ملک کوتباہی کے دہانے پر لے آیا، سیاسی مقاصد کے لیے اداروں کو متنازع بنایا جا رہا ہے ،پیپلز پارٹی اس وقت میدان میں موجود ہے، انتخابات کے لیے ساز گار ماحول بنایا جائے۔

مزید پڑھیں: سابق صدرآصف زرداری اوربلاول بھٹوسے عوامی نیشنل پارٹی کے وفدکی ملاقات

پی پی رہنما کا کہنا ہے کہ پی ڈی ایم کو بنانے والی پیپلز پارٹی ہے، ہم عوام کے سہارے الیکشن لڑتے ہیں، پیپلز پارٹی الیکشن شیڈول کا انتظار کررہی ہے۔

مزید کہا کہ ہم نہیں چاہتے کہ میچ فکس ہو، ہمارامقابلہ کسی سیاسی جماعت سےنہیں، ہمارا مقابلہ ملکی مسائل کےساتھ ہے ۔