اسلام آباد(آئی ایم ایم)اسپیکر قومی اسمبلی سردار ایاز صادق کا قومی کرکٹ ٹیم کو زمبابوے کے خلاف ون ڈے سیریز جیتنے پر مبارکباد۔ اسپیکر کی قومی ٹیم کو زمبابوے کے خلاف شاندار کارکردگی پیش کرنے پر خراج تحسین۔اسپیکر کا قومی کرکٹ ٹیم کے لیے نیک خواہشات کا اظہار۔
اسپیکر قومی اسمبلی سردار ایاز صادق کا کہنا تھا کہ قومی کرکٹ ٹیم نے زمبابوے کے خلاف شاندار کھیل پیش کیا۔ٹیم کی ون ڈے سیریز میں بہترین کارکردگی لائق تحسین ہے۔ امید ہے کہ قومی کرکٹ ٹیم مستقبل میں بھی اسی روایت کو برقرار رکھے گی۔قومی کرکٹ ٹیم کسی بھی ملک کے خلاف میچ جیتنے کی بھرپور صلاحیت رکھتی ہے۔
