لاہور(نیوز ڈیسک)پاکستان مسلم لیگ ن کے صدر شہباز شریف نے کہاکہ اب ہم انتخابات میں جارہے ہیں ،آپ چوتھی مرتبہ نواز شریف کووزیراعظم منتخب کرائیں گے ،ملک میں ترقی وخوشحالی کاسفر دوبارہ شروع ہوگا، 5سال مہنگائی کاطوفان رہا،مہنگائی کم کرنے کے لیے نواز شریف اورہم سب مل کرکام کریں گے ،بدھ کون لیگ کے پارلیمانی بورڈ کے اجلاس سے خطاب کرتے ہوئے شہباز شریف نے کہاکہ نواز شریف نے ملک کوایٹمی طاقت بنایا،بھارت کے مقابلے میں ایٹمی دھماکانہ کرنے پر5ارب ڈالر کی پیش کش کی گئی ،نواز شریف نے پاکستان کے عظیم تر مفاد میں یہ پیش کش قبول نہیں کی ، 2013سے2017 تک ہرطرف ترقی و خوشحالی کے منصوبے تھے ،2013میں چینی صدرپاکستان کادورہ کرنے والے تھے ،چینی صدر کادورہ موخر کرانے کے لیے دھرنے ،احتجاج کاڈھونگ رچایاگیا۔
پاکستان مسلم لیگ (ن) کے پارلیمانی بورڈ کا اجلاس جاری
پاکستان مسلم لیگ(ن) کے قائد محمد نواز شریف اور پارٹی صدر محمد شہباز شریف اجلاس کی صدارت کر رہے ہیں۔
پاکستان مسلم لیگ (ن) کی سینئر نائب صدر اور چیف ارگنائزر مریم نواز شریف، نائب صدر اور سابق وزیر اعلی پنجاب حمزہ شہباز، الیکشن سیل کے سربراہ اسحاق ڈار، سیکرٹری جنرل احسن اقبال اور پارٹی کے خیبرپختون خوا کے صدر انجینئر امیر مقام اجلاس میں شریک ہیں۔
بورڈ اجلاس میں پارٹی کے مرکزی اور صوبائی عہدیداروں کے علاوہ ڈویژنل کوآرڈینیٹرز بھی شریک ہیں۔
مسلم لیگ (ن) کا پارلیمانی بورڈ آج خیبرپختون خوا سے موزوں امیدواروں کا انتخاب کر رہا ہے
پارلیمانی بورڈ 2 دسمبر سے اب تک سرگودھا ڈویژن، ڈسٹرکٹ راولپنڈی، ہزارہ، مالاکنڈ ڈویژن، صوبہ بلوچستان، ڈیرہ غازی خان، راولپنڈی، اٹک، جہلم، چکوال، خانیوال، وہاڑی، لودھراں، ملتان، گوجرانولہ، گجرات، سیالکوٹ، نارووال، بہاولپور، سندھ، کراچی اور فیصل آباد سے پارٹی امیدواروں کے ناموں پر غور کرچکا ہے۔
مزید پڑھیں: نواز شریف نے مجھے زیادہ معاشی نقصان پہنچایا، جاوید ہاشمی
