اسلام آباد (محمدحسین) آل پاکستان انٹر بورڈز سپورٹس گالا میں بوائز کے اتھلیٹکس، کبڈی، والی بال اور ٹیبل ٹینس کے مقابلے جاری ہیں۔اس موقع پرآرگنائزنگ سیکرٹری محمد بخش مری بھی موجود ہیں۔ پاکستان سپورٹس کمپلیکس اسلام آباد میں جاری سپورٹس گالا میں ٹیبل ٹینس کے مقابلوں میں سرگودھا، ملتان، لاہور اور پشاور کی ٹیموں نے فائنل کے لئے کوالیفائی کرلیا ہے۔ والی بال کے مقابلوں میں سوات، بنوں، مردان اور پشاور کی ٹیموں کے سیمی فائنل میں جگہ بنالی ہے۔ کبڈی کے مقابلوں میں فیصل آباد نے ملتان کو شکست دے کر فائنل میں جگہ بنالی ہے۔
اتھلیٹکس کے مقابلے جاری ہیں اور سپورٹس گالا میں 33 بورڈز کی ٹیمیں حصہ لے رہی ہیں۔سپورٹس گالا میں چار مختلف کھیلوں کے مقابلے منعقد ہو رہے ہیں۔ ان مقابلوں میں اتھلیٹکس، کبڈی، والی بال اور ٹیبل ٹینس کے مقابلے شامل ہیں۔ مقابلوں میں ملک بھر سے مختلف بورڈز کی ٹیمیں حصہ لے رہی ہیں۔ اور
یہ مقابلے 28 دسمبرتک جاری رہے گئے مقابلوں کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔